LUKAS 5:26 - Alkitab Singog In Mongondow Masa In Tanaa

²⁶ Mosia komintan totok in nongoherang bo nodayow kon i Allah. Bo takin porasaan noondok in mosia noguman, “Mokoherang totok in onu inta nobaḻí inta inontong naton singgai in naa!”

LUKAS 5:26 Iomraidhean Croise

YEREMIA 33:9

Yerusalem in mobaḻí koḷungangaan bo koyunggagaan-Ku. Bayongan in bangusa kon dunia in mobaḻíbí moondok bo mourot poḷat mohoromat kon i-Nakó, aka mokodongogdon kon bayongan inta mopia inta inaidan-Ku kon intau inta nogutun kon Yerusalem, bo kobiagan motompia inta ogoi-Ku kon kotá tatua.”

HOSEA 3:5

Táe moiangoibí in wakutunea bangusa in Israel mobui kon i Tuhan Allah monia, bo kon i datu monia nongkon buí i Daud. Bo moondok in mosia poḷat mohoromat kon i Tuhan, poḷat motarima kon barakat-Nea mita.

MATIUS 12:23

Dá nongoherang in intau mita kon tua, bo nosingog, “Sia naa degá inta ki Adí i Daud?”

MATIUS 28:8

Mosia ḷagi minayá nongkon poḷoḷobongan tatua, takin ondok bo pia in gina. Mosia noribatuk in minayá nopotaau kon murí mita i Yesus.

MATIUS 9:8

Intau moantó inta nokoontong kon onu inta nobaḻí tatua noondok bo nodayow kon i Allah inta ain nobogoi in kawasa ná domai tua in koḷoben kon intau.

MARKUS 2:12

Bango-bangon in intau tatua bo nobingkat kon boḷad tosiugannea bo iḷumuai koonto-ontong monia komintan. Intau mita kon tua noherang takin pia in gina bo nodayow kon i Allah, kai monia, “Diápa dodai onda kita in nokoontong kon onu inta nobaḻí ná tanaa!”

LUKAS 1:65

Dá intau mita topodiugmai kon tua, komintan inangoian in ondok. Onu inta ain nobaḻí tatua, nobaḻí ouman kon bayongan ḻipú in Yudea.

LUKAS 5:8

Nokoontongmai kon natua in ki Simon inta dinonoi ki Petrus, sinumungkud in Sia kon tayowonmai i Yesus bo noguman, “Taḷaaidon in akuoi naa Tuhan! Sin akuoi naa intaubí baradosa!”

LUKAS 7:16

Intau kon tua noondok komintan bo nodayow kon i Allah poḷat noguman, “Tobatú nabi inta moḷoben naadon kon yua-yuak naton! Bo ki Allah in namangoidon moposaḷamat kon umat-Nea!”

LUKAS 8:37

Sahingga intau mita inta kon ḻipú in Gerasa tua nopoigum kon i Yesus, sinbá taḷaan-Nea in mosia sin moondokdon totok in mosia. Dá ki Yesus sinumakoidon bui kon uangga bo nonaḷámai kon i monia.

OUMAN IN RASUL MITA 4:21

Sidang tatua diá nokouḻí kon taḷá tobatúmai inta motaau baḻíon monia dodoyonan pohukuman kon i nayadua. Dá pangabisannea binuḻian monia in rasul mita tatua sin moondokdon in mosia kon intau moantó inta moduímai kon tangoi i Allah sin mosia ain nokoontong kon bayongan inta ain nobaḻí.

GALATIA 1:24

Dá mosia totokdon in nodayow kon i Allah sin akuoi in nopirisaya domandon kon tua.