LUKAS 5:2 - Alkitab Singog In Mongondow Masa In Tanaa

² Kon tua, ki Yesus nokoontong doman kon uangga doyowa. Kitogi uangga tatua in noponagdon nongkon uangga tatua bo koyogot nondaritmai kon landará monia.

LUKAS 5:2 Iomraidhean Croise

MATIUS 4:18

Kon tungkuḷ in ki Yesus minayá nongin bingkí in Danow Galilea, Sia in nokoontong kon intau taya dua mogutat, ki Simon (inta dinonoi ki Petrus) bo ki Andreas ki utatnea. Tua in tangoi monia. Mosia in koyogot mobukayad kon landará kon danow sin tuabí in oaidan monia, modomok kon toyá.

MATIUS 4:21

Bo naonda i minayá nongkon tua, ki Yesus bui nokoontong kon intau taya dua doman mogutat, ki Yakobus ki adí i Zebedeus bo ki Yohanes ki utatnea, mosia koyota-yotakin i amá monia ki Zebedeus. Mosia yogot monoinutmai kon landará kon bonu uangga. Mosia inoiní i Yesus,

MARKUS 1:16

Wakutu in ki Yesus minayá nongin pintad in Danow Galilea, nokoontong in Sia kon intau doyowa inta mododomok kon toyá in oaidan monia. Ki Simon bo ki ai-ainea ki Andreas in tangoi monia. Mosia in koyogot molandará kon danow tatua.

MARKUS 1:19

Ki Yesus nongingguput kon bobayáan-Nea bo nokoontong doman bui kon intau doyowa mogutat ibanea, ki Yakobus bo ki Yohanes in tangoi monia. Taya dua naa ki adí i Zebedeus. Mosia naa kon bonupa in uangga monompiamai kon landará monia.

LUKAS 5:1

Kon singgai tobatú ki Yesus sinimindog mako kon pintad in Danow Genesaret. Nobayong intau in namangoi kon i-Nia sin mokidongog kon Habar Mopia nongkon i Allah.

LUKAS 5:3

Ki Yesus in sinumakoi kon uangga tobatú kon tua, sinakoian-Nea tua in uangga i Simon. Pinoki undud-Nea kon i Simon pinoyayú topí kon pintad bo iḻimitú in Sia kon bonu in uangga tatua bo nopoyaput in Habar Mopia kon intau moanto inta kon tua.

YOHANES 1:40

Tobatú kon sigad nayadua tua inta ain nokodongog kon onu inta pinoguman i Yohanes bo inta minayá dinumudui kon i Yesus, tangoinea in ki Andreas ki utat i Simon Petrus.