LUKAS 5:14 - Alkitab Singog In Mongondow Masa In Tanaa

¹⁴ Tongá diá inogoi Yesus in intau tatua moguma-guman mako kon intau ibanea kon onu inta ain inaidan-Nea tua. Táe pinotabá-Nea in intau tatua, “Bayádon in iko kon i imang bo ḻibó poḷat pokitantú kon inia kon iko in totu-totuu bidon nopia. Mopaḷut mako kon tua bayá in iko pobogoi kon kuruban ná inta pinarenta i Musa, sin tua in mobaḻí bukti kon intau mita kon iko in totu-totuu bidon nopia.”

LUKAS 5:14 Iomraidhean Croise

IMAMAT 13:2

Aka intau bo kobiagan inta mobobentuḷ mita takin bobagá mita ande oḷaap mita kon kuḻitnea inta mobaḻí panyaki kon kuḻit inta mokobahaya, dá sia in mustibí diaan kon imang buí i Harun.

IMAMAT 13:49

bo batangan in pinonopadan tatua mopoḷuno-ḷunow ande mosimpu-simpuya, dá ponopadan tatua in panyaki torupa inta dumodakit bo musti poontong kon i imang.

MATIUS 10:18

Moiko in diaan kon tayow in pongawasa mita bo datu mita popisí moiko in dumodudui-Ku. Bo tuata in kasampatanmu mobogoi in kosakusian soaḷ Akuoi kon i monia bo kon intau mita inta diá nonotaau kon i Allah.

MATIUS 12:16

Táe Sia nogimaḷow sinbá diá potaa-taau mako monia intua kon intau ibanea.

MATIUS 8:4

Bo ki Yesus in noguman kon inia, “Toropdon in singog-Ku naa! Donaai oumanon kon i inekabí in onu inta nobaḻí tanaa. Táe bayádon bo pokiindoi kon imang, bo pobogoidon iko in sosumba ná inta pinarenta i Musa, mobaḻí bukti kon i monia kon nopia in iko!”

MATIUS 9:30

Dá nokoontongdon in mosia. Bo ki Yesus nongoyow totok kon i monia, kon donaai oumanon kon i inekabí in onu inta ain nobaḻí tanaa.

MARKUS 1:44

“Pokoingat, donaai oumanon kon i inekadon, táe bayádon kon i imang bo pokitantúdon kon inia kon iko in totu-totuudon nopia. Bo pobogoi in iko kon sosumba sukurmu podudui in atorang i Musa mobaḻí bukti kon intau mita kon iko in nopiadon.”

MARKUS 6:11

Táe aka moiko bo moibayá in tobatú tampat, bo intau mita kon tua doí motarima bo doí mokidongog kon i monimu, yo taḷaaidon in tampat tatua. Bo topiraidon ḷobud nongkon sioḷmu saḷaku tompoingat kon i monia!”

LUKAS 17:14

Dá ki Yesus in nobobui kon i monia bo noguman, “Bayádon bo pokiindoi kon i imang mita in awak monimu nion.” Bo kon daḷanpa in mosia, nopiadon takit monia tua.

LUKAS 5:13

Dá kinadaian i Yesus in intau tatua poḷat noguman, “Akuoi in moibog, kopiadon!” Kon dodaipa doman intua bo nopia in takitnea.

LUKAS 9:5

Bo aka oyúon in intau inta doí motarima kon i monimu, yo ḷuaidon kon kotá tatua bo topirai in ḷobud kon sioḷmu saḷaku tompoingat kon i monia.”