LUKAS 5:13 - Alkitab Singog In Mongondow Masa In Tanaa

¹³ Dá kinadaian i Yesus in intau tatua poḷat noguman, “Akuoi in moibog, kopiadon!” Kon dodaipa doman intua bo nopia in takitnea.

LUKAS 5:13 Iomraidhean Croise

KINOBAḺIAN 1:3

Ki Allah in noguman, “Kobaḻí in bayag!” Bo nobaḻí domandon in bayag.

KINOBAḺIAN 1:9

Noiduduimai kon tua ki Allah noguman, “Koibog-Ku in bayongan tubig inta kon ḻimonag in ḷangit moiḻig kon tampat tobatú, sinbá butá in koontongandon.” Dá nobaḻí domandon intua.

DATU MITA 2 5:10

Ki Elisa in nopotabá kon bobantungnea sin moguman nanaa kon i Naaman, “Bayádon Tuang poinggú bo dumoḷop kopitu kon Ongkag in Yordan, dá totu-totuubí kon mopia in ki Tuang.”

DATU MITA 2 5:14

Tuamai in minayádon in ki Naaman kon Ongkag in Yordan, bo noponag kon tubig tatua poḷat dinumoḷop kopitu ná inta pinoguman i Elisa. Dá nopiadon in ki Naaman. Nosehatdon bui in awaknea naonda bo awak in tayowmobiag.

MAZMUR 33:9

Sin Sia in nosingog, bo bayongan yagi-yagi binaḻí; Sia in nomarenta, dá bayongan yagi-yagi nooyúon.

YEHEZKIEL 36:29

Moiko in poḷuaton-Kudon nongkon bayongan in inta mokokotor kon inimu. Parentaan-Kubí in gandum sinbá mobiag motoḷubú modapot in moiko in diádon kon dodai in onda in koantugan in gogoy.

HOSEA 14:4

Asyur in diábí mokoposaḷamat kon inami, bo kabaḷo in parang diábí mokotuḷung kon inami. Kami in diá bidon moguman kon patong mita inta pinomia nami tontaní kon mosia in ki Allah nami. O Tuhan, Iko in notabi kon intau mita inta diá in ibanea mako inta motaau pongata monia.”

MATIUS 8:3

Bo kinadaian i Yesus in intau tatua bo noguman: “Moibog in Akuoi. Dá kopiadon in iko!” Bo kon dodaipa doman tuata panyaki kusta in intau tatua nopia.

LUKAS 4:39

Dá minayá dinimiug kon tosiugan i guyá i Simon tatua in ki Yesus bo ininggamáan-Nea in patú tatua. Kon dodaipa doman in tatua bo nopia in ki guyá i Simon dá nobangondon in sia bo nobantung kon i monia.

LUKAS 5:12

Kon singgai doman tobatú, wakutu in ki Yesus minayá in tobatú kotá. Sia noyodungkuḷ in tobatú ḷoḷaki inta pinanyaki kuḻit inta mokorongó. Naonda in sia nokoontong kon i Yesus, sinumungkud in sia kon tayowonmai i Yesus bo noguman, “Pak Guru, aka ki Pak Guru moibog mongundam, yo akuoi naa in mopiabí i Pak Guru!”

LUKAS 5:14

Tongá diá inogoi Yesus in intau tatua moguma-guman mako kon intau ibanea kon onu inta ain inaidan-Nea tua. Táe pinotabá-Nea in intau tatua, “Bayádon in iko kon i imang bo ḻibó poḷat pokitantú kon inia kon iko in totu-totuu bidon nopia. Mopaḷut mako kon tua bayá in iko pobogoi kon kuruban ná inta pinarenta i Musa, sin tua in mobaḻí bukti kon intau mita kon iko in totu-totuu bidon nopia.”