LUKAS 5:11 - Alkitab Singog In Mongondow Masa In Tanaa

¹¹ Dá ki Simon takin yobayatnea mita in nogugutdon kon uangga tatua pinobayá in toba, onda intua sinaḷaandon monia intua komintan bo dinumudui kon i Yesus.

LUKAS 5:11 Iomraidhean Croise

MATIUS 10:37

Ki ine in motabi kon i amánea andeka kon i inánea moiḻiu kon tabinea kon i-Nakó sia tua in diá patus mobaḻí dumodudui-Ku. Natua doman ki ine in motabi kon i adínea ḷoḷaki andeka bobay bo moiḻiu kon tabinea kon i-Nakó, sia doman tua in diá patus mobaḻí dumodudui-Ku.

MATIUS 19:27

Bo ki Petrus in noguman kon i Yesus, “Kami naa aindon nonaḷámai kon bayongan inta oyúon kon inami bo dinumudui kon ini-Mu. Yo onu degá in mouḻí nami?”

MATIUS 19:29

Bo pomuḷoi intau inta nonaḷámai kon baḷoinea, kon i utatnea ḷoḷaki bo bobay, kon i amá bo kon i inánea, kon i adínea mita andeka nonaḷámai kon gobánea sin dumudui kon i-Nakó, yo sia tua in motarima bui kon moiḻiu kon tua. Bo sia in mokodungkuḷ domandon kon kobiagan mopia bo mononoi.

MATIUS 4:20

Dá mosia in nonaḷámaidon kon landará monia bo dinumudui kon i Yesus.

MATIUS 4:22

dá mosia in nonaḷámaidon kon uangga bo kon i amá monia, bo dinumuduidon kon i Yesus.

MARKUS 10:21

Dá ki Yesus inimindoi kon intau tatua takin tabi bo noguman nanaa, “Dongkadon tobatú in paraḷumu aidan. Bayádon potaḷui in bayongan kapunyaanmu; bo ogoi kon intau nobogá in boḻinea tatua, dá mokouḻídon iko kon kapunyaan kon soroga. Onda intua angoidon dudui kon i-Nakó.”

LUKAS 5:28

Dá sinimindog in ki Lewi bo nonaḷámai kon bayongan tua bo dinumudui kon i Yesus.