LUKAS 5:1 - Alkitab Singog In Mongondow Masa In Tanaa

¹ Kon singgai tobatú ki Yesus sinimindog mako kon pintad in Danow Genesaret. Nobayong intau in namangoi kon i-Nia sin mokidongog kon Habar Mopia nongkon i Allah.

LUKAS 5:1 Iomraidhean Croise

PINOGIAPAN 34:11

Nongkon tua mosiḻig kon Ribla kon dotá in pomukaan kon Ain, bo tumurus kon buḷud mita kon pintad in pomukaan kon Danow in Galilea,

MATIUS 11:12

Pinangkoipamai ki Yohanes Mobobaptis nopotaau in habarnea noiyaput in tanaa, umat i Allah totok in bayowan in intau mita inta moḷongasi mongawasa kon tua takin aid diá mopia.

MATIUS 14:34

Naonda in noiyaputmaidon kon ḷoḷan mosia sinumubu kon ḻipú in Genesaret.

MARKUS 3:9

Mobayong totok in intau, manangka intua ki Yesus nokitayak in uangga kon murí-Nea mita, sinbá diá kogupitan monia in Sia.

MARKUS 4:1

Kon singgai tobatú ki Yesus bui nobogoi in topotundú kon bingkí in Danow Galilea. Nobayong totok intau in namangoi noḻipung kon i-Nia. Manangka intua Sia minayá iḻimitú kon bonu in uangga inta noiḷantak mako kon tubig, bo intau mita sinimindog kon bingkí in Danow.

MARKUS 5:24

Dá minayá in ki Yesus noyotakin i Yairus. Mobarong totok intau in sinumakin kon i-Nia, oyúon kon tumi, kon muna, kon koḷoigi, kon koḷanan moyo-moyogundud.

MARKUS 6:53

Naonda in noiyaput kon ḷoḷan in danow, mosia in sinumubu kon pintad in Genesaret.

LUKAS 12:1

Kon dodai intua ribuan intau in nosipun, dapot in moyopuntukdon kon sioḷ. Koyogotpa moyosipun in intau mita tatua, ki Yesus in noguman kon murí-Nea mita, “Mokopopia in moiko kon ragi intau in Parisi, makusudnea in oaid intau in Parisi inta mongomunapik.

LUKAS 5:2

Kon tua, ki Yesus nokoontong doman kon uangga doyowa. Kitogi uangga tatua in noponagdon nongkon uangga tatua bo koyogot nondaritmai kon landará monia.

LUKAS 8:22

Kon singgai tobatú, ki Yesus bo murí-Nea mita sinumakoi kon uangga. Sia in noguman kon i monia, “Igai bá kita mayá in ḷoḷan danow.” Dá minayá in mosia.

LUKAS 8:23

Kon wakutu in mosia kon binayáandon, ki Yesus nosiug noḷoḷot, indoianmai daḻíbí namangoi in tompot moropot totok kon danow tatua, sahingga in nobokoḷ noḷoben bo uangga mulaidon kobonuan in tubig, dá mokoanibdon kon i monia.

LUKAS 8:33

Dimukud moraat mita tatua iḷumuai nongkon intau tatua bo minayá sinumuot kon boké mita tatua. Boké mita tatua minayá bo iḷumansik nongkon bingkí in irang bo noḷabú kon danow poḷat noḷomot.

LUKAS 8:45

Táe ki Yesus in noḻibó kon i monia, “Ki ine in noḻiai kon i-Nakó?” Táe diá tobatúmai in nongaku. Dá ki Petrus in noguman, “Pak Guru, totuu mobarong intau in noḻipung kon i Pak Guru; dapot in koundudan magí mako monia in ki Pak Guru!”

YOHANES 1:40

Tobatú kon sigad nayadua tua inta ain nokodongog kon onu inta pinoguman i Yohanes bo inta minayá dinumudui kon i Yesus, tangoinea in ki Andreas ki utat i Simon Petrus.

YOHANES 6:1

Nopaḷut mako kon tua ki Yesus minayá in ḷoḷan Danow Galilea inta sinangoian Danow Tiberias.

ULANGAN 3:17

Kon dotá in toyopan, butá monia nobendar nodapot kon Ongkag in Yordan, nongkon Danow Galilea kon utuan nodapot kon Laut Mati kon dotá in toḷatan, minayá nodapot kon sipangkoion in Buḷud Pisga kon dotá in pomukaan.

IBRANI 13:7

Dikabí koḻiongan monimu in itoi mita monimu inta mopoyaput in koyow i Allah kon i monimu. Tarukirabí naonda in kobobiag monia bo naonda in kopopatoi monia, bo duduiai in kopopirisaya monia.

YOSUA 12:3

Noitakin doman in butá Ḷopá in Yordan kon dotá in pomukaan, nongkon Danow Galilea nopobayá ná toḷatan nodapot kon Bet-Yesimot (kon dotá in pomukaan kon Laut Mati), minayá turus kon sipangkoion in Buḷud in Pisga.

YOSUA 13:27

Kon Ḷopá in Yordan, butá in suku Gad tatua nongkon Bet-Haram, Bet-Nimra, Sukot, bo Zapon, inta ki agat in butá inta kinawasa in Datu Sihon kon Hesybon. Pinosigadan kon dotá in toyopan kon butá in suku Gad tatua in Ongkag in Yordan nodapot in Danow Galilea kon dotá in utuan.