LUKAS 4:9 - Alkitab Singog In Mongondow Masa In Tanaa

⁹ Dá Ibilis in nodia kon i Yesus minayá in binubungan Baḷoi Tuhan kon Yerusalem bo noguman kon i-Nia, “Aka Iko in ki Adí i Allah? Yo ḷandukka monag nongkon naa.

LUKAS 4:9 Iomraidhean Croise

TAWARIKH 2 3:4

Kobanat in yuang kon dotá in muna notongkai in kooḷad in baḷoi tatua 9 nometer. Koḷantudnea in 54 nometer. Kon dotá in bonu in yuang tatua inaipan in buḷawan taakan.

AYUB 2:6

Dá ki Tuhan in noguman kon Ibilis, “Mopia, aidaidon kon inia onu in koibogmu, asaḷ dika ḻimodonmu in sia.”

MATIUS 8:29

Taya dua nomaḷú noropot, kai monia “Onuon-Mu in kami naa, ei Adí i Allah? Iko mamangoi degá mopoyoyiga kon inami umpaka deemanpa wakutunea?”

LUKAS 4:10

Sin kon Buk Motusi ain pinais nanaa, ‘Ki Allah in mopotabá in malaekat-Nea mita moḷukad kon ini-Mu kopiraan totok.

LUKAS 4:3

Bo namangoidon in Ibilis noguman kon i Yesus, “Iko in totu-totuu ki Adí i Allah? Yo, pogumanaika in batu mita tanion sinbá mobaḻí roti.”

SURAT I PAULUS KON JAMAAT RUM 1:4

Táe podudui kon i Allah yo noniata magí Sia in ki Adíbí i Allah. Tua komintan noniata kon kawasa inta totok in moḷoben inta nokobiag kon i-Nia nongkon kinopatoian-Nea.