LUKAS 4:6 - Alkitab Singog In Mongondow Masa In Tanaa

⁶ poḷat noguman nanaa, “Komintan kawasa bo kaoyúonan tanaa in daitonku ogoi kon ini-Mu, sin tanaa komintan ain bidon inogoi kon inakó dá naa komintan in motaaukubí ogo-ogoi mako kon i inekabí inta kinoibogku pobogoian.

LUKAS 4:6 Iomraidhean Croise

ESTER 5:11

Bo ki Haman in nongonguman kon ambungangaḷ kon i monia bo nopoontong in kaoyúonannea, kobayong in adínea ḷoḷaki, ḷoḻitúan pomomarentaan inta inogoi i datu, bo pangkatnea inta moḷantu-ḷantud nongkon bayongan in pogawai ibanea.

YESAYA 23:9

Ki Tuhan Inta Totok in mokawasa, Siabí inta ain nonantú tatua. Sia in nonantú kon momaḷutdon kon kaḷakuang in intaunea kon bayongan inta bungai in oaidan inta ain nouḻí monia, bo mopoompá kon intau mita inta ihoromat kon dunia.

YESAYA 5:14

Dunia in intau minatoi nobukádon noḷoben sin moḻiom kon intau mita inta noiuna kon Yerusalem takin rayat inta nononbobutungan noyotakin.

LUKAS 4:7

Dá aka Iko bo moibog mosumba kon inakó yo daitonkubí ogoi kon ini-Mu intua komintan.”

YOHANES 12:31

Tanaa in wakutuneadon dunia hakimon; bo tanaadon mako in mongongawasa kon dunia naa pogarabdon kon ḷuai.

YOHANES 14:30

Diádon moantó in oumanon-Ku kon i monimu, sin wakutuneadon mongongawasa in dunia naa mamangoi. Táe diábí kokawasaannea in Akuoi.

YOHANES 8:44

Ibilisbí in ki amámu, bo moiko in moibog dumudui kon ibog i amámu tatua. Nongkon pinomangkoianpabímai Ibilis tua moḷoḻimod. Doíbí in sia kon onu inta moitutui, sin diábí in moitutui kon inia. Aka sia bo monguboḷ yo biasabí intua, sin natuabí in sipatnea. Sia mouboḷ bo pangkoi in bayongan uboḷ.

KORINTUS 2 11:14

Diábí mokoherang in oaid monia tua, sin ibilispa in nongaku doman saḷaku malaekat in bayag!

EPESUS 2:2

Wakutu intua moiko in dinumudui kon kabiasaan mita in dunia naa; tua in mangaḻenea moiko in dinumudui kon mongongawasa kon baḷangon, tuata in roho inta masai naa nongawasa kon gina in intau mita inta diá motoindudui kon i Allah.

PETRUS 1 1:24

Kon bonu in Buk Motusi pinaisdon nanaa: “Bayongan in intau kon dunia naa naonda bo bonok, bo bayongan in kamuliaannea naonda bo bungai in bonok. Bonok moḷaḷow, dá bungainea in mototak doman;

YOHANES 1 5:19

Kinotaauanbí naton kon kita naa in kapunyaanbí i Allah, umpakabí komintan dunia kinawasaandon in Inta Moraat.

WAHYU 12:9

Naga inta moḷoben tatua in pinogarab kon ḷuai! Sia tua in uḷag guranga, Ibilis in tangoinea ande Dimukud Moraat, inta monguboḷ magí-mako kon dunia naa. Sia in iḷumbú kon dunia naa takin malaekatnea mita.

WAHYU 13:2

Mahaḷuk inta inontongku tua, batangannea in naonda bo macan tutul, sioḷnea naonda bo sioḷ in boruang, bibignea naonda bo bibig in singa. Mahaḷuk tatua inogoian i naga in ropot, inogoian in tampat pomomarentaannea bo kawasa inta moḷoben.

WAHYU 13:7

Sia inogoianpa doman in wakutu moḷawang kon umat i Allah takin monaḷow kon i monia. Bo inogoian doman in kasampatan mongawasa kon bayongan suku, umat, bahasa bo bangusa.