LUKAS 4:42 - Alkitab Singog In Mongondow Masa In Tanaa

⁴² Naonda in modiugdon mobayag, ki Yesus nonaḷámai kon kotá tatua bo minayá in tobatú tampat inta moingongow totok. Táe mulaidon bo sinayak monia in Sia, bo naonda in noyodungkuḷ monia, inampagan monia in Sia kon bá diápa monaḷámai kon i monia kon tua.

LUKAS 4:42 Iomraidhean Croise

MARKUS 1:45

Táe intau tatua minayábí bo nongonguman magí-mako kon onu inta nobaḻí kon inia tua, sahingga in ki Yesus diádon mobebas tumuot kon kotá tatua. Sia in tongádon kon ḷuai in kotá, kon tampat mita inta moingongow. Táe bayongan intau inta nongkon ḻipu-ḻipúannea umuran doman mamangoi kon i-Nia.

LUKAS 24:29

táe sinahangdon monia in Sia, takin noguman, “Pongandupa kon tampat nami naa sin aindon modoḷom.” Dá nongandupdon in Sia bo nogogai takin monia kon tua.

LUKAS 6:12

Wakutu intua ki Yesus notakod kon buḷud sin mayá mosambayang. Sia in nosambayang kon tua tonggobiita.

YOHANES 4:34

Ki Yesus in noguman, “Kaanon-Ku naa in dumuduibí kon onu inta kinoibog i-Nia inta nopotabá kon i-Nakó, bo moginḷapat kon oaidan inta pinoki aid-Nea kon i-Nakó.

YOHANES 4:40

Dá naonda in intau mita in Samaria mita tatua noyodungkuḷ i Yesus, mosia in nopoigum totok sinbá, mogutunpa in Sia takin monia. Dá ki Yesus in nogutunpa kon tua takin i monia doyowa nosinggai.

YOHANES 6:24

Naonda in intau moantó tatua diádon nokoontong kon i Yesus bo murí-Nea mita kon tampat tatua, mosia in sinumakoi kon uangga tatua bo minayá in Kapernaum motayak kon i Yesus.