LUKAS 4:35 - Alkitab Singog In Mongondow Masa In Tanaa

³⁵ Táe ginuakan i Yesus in dimukud moraat tatua, “Kibio-biómai bo ḷuaidon iko kon intau tanion!” Dá dimukud moraat tatua nogumpang kon intau tatua kon tayowonmai monia komintan, onda intua sia iḷumuaidon pia-pia nongkon intau tatua.

LUKAS 4:35 Iomraidhean Croise

MAZMUR 50:16

Táe ki Tuhan in noguman kon intau moraat, “Diábí in hakmu in monangoi kon hukum-Ku, bo mongonguman soaḷ dodandian-Ku.

ZAKHARIA 3:2

Malaekat i Tuhan in noguman kon Ibilis, “Igumon mako ki Tuhan in mohukum kon inimu ei Ibilis! Igumon mako ki Tuhan inta notabi kon Yerusalem in mohukum kon inimu. Intau tanaa in naonda bo kayu topongkó inta inugut nongkon yuak in tuḷú.”

MATIUS 17:18

Bo ki Yesus in noguman kon dimukud moraat inta sinumoḷang kon adí tatua, ‘Ḷuai!’ Bo dimukud moraat tatua in iḷumuai, dá dodaipa doman tatua adí tatua in nopia.

MATIUS 8:26

Sia in noguman kon i monia, “Nongonu sin moondokbí in moiko intau inta diá totok mopirisaya?” Onda intua nobangon in ki Yesus bo sinumorú kon tompot bo danow tatua, indoianmai yo diádon nogirup in tompot tatua bo danow in noḷonong totok.

MARKUS 1:26

Dá totokdon in ginugur in dimukud moraat in intau tatua, onda intua takin karak iḷumuaidon in dimukud moraat tatua nongkon intau tatua.

MARKUS 4:39

Dá nobangondon in ki Yesus bo nongguak kon tompot tatua poḷat noguman kon danow tatua, “Kibio-biómaidon, kooyongdon!” Dá tompot nogogaidon, bo danow noḷonongdon totok.

MARKUS 9:26

Dimukud moraat tatua nomaḷú, bodongka sinorondónea in awak in adí tatua, bo iḷumuai nongkon adí tatua. Ontongon nádon onda bo mayat in adí tatua, sahingga in komintandon intau nosingog, “Minatoidon sia!”

LUKAS 11:22

Táe aka oyúon in moiḻiu in ropot kon inia in mamangoi monubu bo monaḷow kon inia, dá daitonbí agowon in intau moropot tatua in bayongan pakakatnea inta mobaḻí kinodoyonan in ropotnea poḷukad kon baḷoinea. Onda intua daitonnea bo sila-silaion mako in barang in intau inta pinogagowannea tatua.

LUKAS 4:23

Dá ki Yesus in noguman nanaa, “Tantú nanaabí in singogon monimu kon i-Nakó, ‘Ei mongongundam, undamaidon in awak-Mu tontaní. Bo aidai domandon kon naa, kon ḻipú-Mu tontaní in onu inta ain dinongog nami inaidan-Mu kon Kapernaum!’ ”

LUKAS 4:39

Dá minayá dinimiug kon tosiugan i guyá i Simon tatua in ki Yesus bo ininggamáan-Nea in patú tatua. Kon dodaipa doman in tatua bo nopia in ki guyá i Simon dá nobangondon in sia bo nobantung kon i monia.

LUKAS 4:41

Dimukudpa mita moraat in iḷumuai nongkon moantó intau, sindaḷan kumarak bo moguman, “Iko nion in ki Adí i Allah!” Táe totok in sinorúan i Yesus in mosia bo diá inogoi mosingog sin kotaauandon monia kon Sia tua in Datu Mopoposaḷamat.

LUKAS 8:24

Dá murí-Nea mita in namangoi bo noguḷung kon i-Nia, kai monia, “Pak Guru, Pak Guru, mobodito in kita!” Ki Yesus in nobangon bo nongguak kon tompot bo bokoḷ inta koyogot mogirup tatua. Dá tompot bo bokoḷ tatua in nogogai bo noḷonongdon totok.

LUKAS 9:39

Aka dimukud moraat mamangoi monubu kon inia, sia in baḷú kumarak bo motorondó totok in awaknea bo bibignea ḷuaian in burá. Dimukud tatua umuran mopororiga kon inia, bo gogió diádon taḷaanneamai in ki adíku tatua!

LUKAS 9:42

Kon wakutu in adí tatua nopobayá kon i Yesus, dimukud moraat tatua nopobanting kon inia poḷat sinorondónea in awak in adí tatua. Táe totok in sinorúan i Yesus in dimukud moraat tatua bo pinoki ḷuaian-Nea nongkon adí tatua dá nopiadon in adí tatua bo poḷatdon pinosarakan kon i amánea.

WAHYU 12:12

Tuamai, koḷungangadon in gina iko soroga bo bayongan inta nogutun kon bonunea! Táe moboditodon in moiko butá bo dagat, sin Ibilis ain noponag kon i monimu takin sinumorú totok sin kinotaauanneadon kon motoyongdon totok in wakutunea.”