LUKAS 4:32 - Alkitab Singog In Mongondow Masa In Tanaa

³² Pototundú-Nea mokosanang totok kon gina monia, sin mokobangkaḷ totok onu in singogon-Nea.

LUKAS 4:32 Iomraidhean Croise

MARKUS 1:22

Intau mita inta nokodongog noherang bo moibog kon pototundú-Nea. Sin pototundú-Nea in mokobangkaḷ, deeman ná pototundú in guru mita in agama.

LUKAS 2:47

Komintan intau inta mokodongog in mongoherang sin totok mopandoi in Sia motubag kon onu in ḻibóon.

LUKAS 4:33

Kon baḷoi pososambayangan tatua oyúon doman in tobatú intau inta kinotoḷangan in dimukud moraat. Intau tatua in nomaḷú,

LUKAS 4:36

Komintan intau in nongoherang bo nosingog, “Diábí tongá ibo-ibog in singog-Nea mita. Mokobangkaḷ totok in pososingog-Nea bo takin kawasa in Sia nokipoḷuai in dimukud mita moraat tatua, bo ḷumuai doman in mosia!”

YOHANES 6:63

Rohobí i Allah in nobogoi in kobiagan kon intau. Ropot in intau naa diá baragunanea. Singog mita inta pinosingog-Ku kon i monimu naa in singogbí mita in Roho i Allah bo singogbí inta mobogoi in kobiagan.

YOHANES 7:46

Dá moḷoḷukad mita tatua in notubag, “Uḻe, diápa kon dodai onda in intau in mosingog ná pososingog-Nea tatua!”

KORINTUS 2 4:2

Kami in doíbí tongá umuni-uni sin mokooyábí in natua. Bo kami in doíbí mogaid takin gina inta diá motuḻid bo poḷat doman mopotaḷá in singog i Allah. Kami in nogaid kon oaidan i Allah takinbí gina motuḻid ná inta kinoibog-Nea. Tuamai in harapon mako tua, kopiaan in monilai kon i nami.

TESALONIKA 1 1:5

Sin kami in nopoyaput in Habar Mopia kon i monimu deemanbí pinodoyon kon pandoi nami, táe pinodoyonbí kon kawasa in Roho i Allah inta umuran kotaki-takin nami. Bo totokbí iyakin nami kon totuubí in Habar Mopia tatua. Kinotaauan bidon monimu in kobobiag nami wakutu in kotaki-takinpa monimu. Kami in umuran noramuji in nogaid sin kopontingan monimu.

TITUS 2:15

Tundúdon kon i monia intua komintan, tongginaai bo poḷat togur kopiaan i mosia inta mokidongog kon inimu. Dika in iko moibog tomongoadíon in tobatúmai intau.