LUKAS 4:27 - Alkitab Singog In Mongondow Masa In Tanaa

²⁷ Natua doman in kon tungkuḷ i Nabi Elisa, tungkuḷ intua nobayong in intau Israel in kinotugatan in panyaki kuḻit inta mokorongó, táe diábí tobatúmai in kon sigad monia tua in inundaman, koḻikudbí in ki Naaman intau in Siria tua.”

LUKAS 4:27 Iomraidhean Croise

AYUB 21:22

Motaau degá in intau motundú kon i Allah, bokaka ki Allah tontaní inta mohakim kon mahaḷuk kon soroga?

AYUB 33:13

Nongonu sin iko in moponapudbí kon i Allah kon Sia in doí mokidongog kon amui in intau?

AYUB 36:23

Ki ine in motaau monantú kon daḷan kon i-Nia andeka mokobaḻí in moguman kon Sia in nogaid kon noitaḷá?

DANIEL 4:35

Bangusa mita kon dunia diá in mangaḻenea. Ki Allah in nongawasa kon malaekat kon soroga bo intau kon dunia. Diá tobatúmai intau in mokoḻimpat kon ibog-Nea, diábí in mokobaḻí moḻibó mongo onu in pomiaan-Nea.”

MATIUS 12:4

Sia in sinumuot kon bonu in Baḷoi Tuhan; bo nokaan kon roti inta ain pinosumba kon i Allah, inta aka dumudui kon atorangnea yo tongábí imang in motaau mokaan kon tua, intau ibanea in diábí motaau.

MATIUS 8:3

Bo kinadaian i Yesus in intau tatua bo noguman: “Moibog in Akuoi. Dá kopiadon in iko!” Bo kon dodaipa doman tuata panyaki kusta in intau tatua nopia.

LUKAS 4:28

Nokodongogmai kon tua, nodait sinumorú in intau mita inta kon bonu in Baḷoi Pososambayangan tatua.

YOHANES 17:12

Wakutu in Akuoi koyota-yotakinpa monia, Akuoi ain noḷukad kon i monia takin kawasa in tangoi i Amá, tangoi inta inogoi i Amá kon i-Nakó. Iḷukadan-Kudon in mosia bo diábí in tobatúmai nobaḻí kon sigad monia tua, koḻikudbí in sia inta ain sinantú kon mobuḻi; sinbá mobaḻídon onu inta ain pinais kon Buk Motusi.