LUKAS 4:21 - Alkitab Singog In Mongondow Masa In Tanaa

²¹ Bo nomangkoidon in ki Yesus nosingog nanaa, kon i monia, “Onu in pinais kon tontagá tanaa yo singgai domandon naa inintompodan kon wakutu in moiko nokodongog.”

LUKAS 4:21 Iomraidhean Croise

MATIUS 13:14

Mosia tua in pinonompodan kon onu inta pinoguman i Nabi Yesaya, nanaa, ‘Ki Allah in noguman: Mosia in umuran mokidongog, táe diá momangaḻe; mosia in umuran monarukiramai táe diá monotaau kon onu inta nobaḻí.

LUKAS 4:20

Nopaḷut mako binaca-Nea intua, iḻitod-Nea bui in buk tatua bo pinobui-Nea kon intau inta mogogaid kon baḷoi pososambayangan tatua, bodongka iḻimitú. Bayongan in intau inta kon bonu in Baḷoi Pososambayangan tatua inimindoi kon i-Nia.

LUKAS 4:22

Onu inta poguman-Nea, komintan mokosanang kon gina monia, sahingga kinoibog monia in Sia bo umuran monia indongogan in poguman-Nea. Bayongan in intau kon tua komintan in noḻibo-ḻibóan, “Degá Siabí naa inta ki adí i Yusup?”

YOHANES 5:39

Moiko in mobalajar kon Buk Motusi sin kon bonu in raian monimu, aka natua yo mokouḻí kon kobiagan mopia bo mononoi. Bo umpakabí Buk Motusi tatua tontaní ain nobogoi in kosakusian soaḷ Akuoi.

OUMAN IN RASUL MITA 3:18

Táe natuabí in aid i Allah mogintompod kon onu inta ain pinotaau-Nea muna pinongin nabi-Nea mita inta kai-Nia, ‘Mopoposaḷamat inta pinotabá-Nea in musti mokorasa kon roriga.’