LUKAS 4:1 - Alkitab Singog In Mongondow Masa In Tanaa

¹ Naonda in nobatun mako kon tubig in Ongkag Yordan ki Yesus, Sia kinawasa in Roho i Allah bo dinia minayá in padang gurun.

LUKAS 4:1 Iomraidhean Croise

DATU MITA IMITÁNEA 18:12

Aka akuoi mayá nongkon naa, Roho i Tuhan in dika bo modia kon i Amá mayá in tampat inta diá kinotaauanku! Bo aka potaauku kon i Ahab kon ki Amá in kon naa, bo moiduduimai kon tua diá moyodungkuḷnea in ki Amá, yo notantú bidon kon ḻimodonneabí in akuoi. Pokotaaudon, Amá, akuoi naa in totu-totuubí mosumba kon i Tuhan nongkon nointokanpamai!

DATU MITA IMITÁNEA 19:4

bo minaya-mayá in sioḷ ná padang gurun tosinggai in koonggotnea bo nogogai kon siungon in kayu inta mobambar. Kon tua iḻimitú in sia bo ibogonnea in bá matoidon. “Diádon in akuoi monahang, o Tuhan,” gumannea kon i Tuhan. “Gamádon in nyawaku. Akuoi in diábí mopia-pia nongkon mogoguyangku!”

YESAYA 61:1

Kawasa i Tuhan Inta Totok in Moḷantud oyúon kon inakó; Sia in nomiḻí bo nopotabá kon inakó sin modia kon habar mopia kon intau nobogá bo moḻipoi kon intau inta nokuyang in ginanea, sin mopotaau kon intau inta sinokodakop kon mosia in ḷagidon poḷuaton, bo kon intau mita kon bonu in ponjara kon mosia in ḷagidon poḷuaion.

YEHEZKIEL 3:14

Kawasa i Tuhan in namangoi kon inakó motoyang totok, bo naonda in akuoi biningkat bo dinia in Roho-Nea, ginaku in koraasaan mopait bo mopatú.

MATIUS 3:16

Naonda in nopaḷut binaptis, ki Yesus ḷagi nobatun nonaḷámai kon tubig tatua, bo kon dodai doman intua ḷangit nobukat bo inontong-Nea in Roho i Allah naonda bo ḷagapan paḷoma noponag kon i-Nia.

LUKAS 2:27

Singgai intua sia dinia in Roho i Allah minayá sinumuot kon Baḷoi Tuhan. Naonda in ki Yusup bo ki Maria nodia kon i Yesus inta mointokpa tua kon Baḷoi Tuhan sin pogaidan kon onu inta ain sinantú in hukum agama.

LUKAS 3:3

Ki Yohanes minaya-mayá mako in bayongan ḻipú inta kon diugmai in Ongkag in Yordan bo nopobaḷú, “Pogogaidon in mogaid kon dosa mita bo pokibaptisdon sinbá ampungandon i Allah in bayongan taḷámu.”

LUKAS 3:38

ki adí i Enos, inta ki adí i Set, ki adí i Adam, inta ki adí i Allah.

LUKAS 4:14

Onda intua ki Yesus minayádon bui in Galilea, bo Sia in umuran kon bonu in kawasa in Roho i Allah. Habar soaḷ ki Yesus noisiardon kon bayongan ḻipú tatua.

LUKAS 4:18

“Roho i Tuhan oyúon kon i-Nakó, sin Akuoi in ain piniḻí-Nea mopoyaput in Habar Mopia kon intau mita bogá. Sia nopotabá kon i-Nakó mopotaau in popoḷuaian kon intau mita kon sinokodakop bo mongundam kon mata in intau mita bilog; bo mopoḷuat kon intau mita inta sinokodorot

YOHANES 1:32

Ki Yohanes in noguman doman nanaa, “Akuoi in nokoontong kon Roho i Allah in noponag nongkon ḷangit naonda bo ḷagapan paḷoma dinumompá bo nogutun kon i-Nia.

YOHANES 3:34

Sin ki ine in pinotabá i Allah, dá siabí tua in mopoyaput in pirman i Allah, sin sia in kinawasa bidon in Roho i Allah.

OUMAN IN RASUL MITA 1:2

noidapot in singgai kinobingkatan-Nea kon soroga. Kon wakutu in Sia diápa namonik in soroga, takin kawasa in Roho i Allah, Sia in nobogoidon muna in parenta-Nea kon rasuḷ mita inta piniḻí-Nea.

OUMAN IN RASUL MITA 10:38

Bo kinotaauanbí domandon monimu kon ki Allah ain nomiḻí kon i Yesus intau in Nazaret tua bo nobogoi kon i-Nia in Roho i Allah bo kawasa. Kinotaauan domandon monimu kon ki Yesus tuata inta minayá in ḻipu-ḻipúannea bo nogaid kon inta mopia poḷat nongundam kon bayongan in intau inta kinawasa in Ibilis, sin ki Allah in umuran kotaki-takin-Nea.

OUMAN IN RASUL MITA 8:39

Naonda in mosia nobatundon nongkon tubig tatua, daḻídon dinia in Roho i Tuhan in ki Pilipus, sahingga in diádon inontong in pogawai tatua in sia. Dá sia in nogingguputdon kon bobayáannea tatua takin pia in gina.