LUKAS 3:22 - Alkitab Singog In Mongondow Masa In Tanaa

²² bo Roho i Allah noponag kon i-Nia naonda bo ḷagapan paḷoma. Bo kinodongogandon in singog nongkon ḷangit noguman nanaa, “Iko in ki Adí-Ku inta kinotabi-Ku. Iko in kinoibog-Ku.”

LUKAS 3:22 Iomraidhean Croise

MAZMUR 2:7

Guman i datu, “Akuoi in moibog mopotaau in onu inta ain sinantú i Tuhan. Guman-Nea kon inakó, ‘Iko in ki adí-Ku ḷoḷaki, singgai in naa Akuoi in nobaḻí ki Amámu.

YESAYA 42:1

Guman i Tuhan, “Naa in mogogundoi-Ku inta binaba-Ku, intau inta piniḻí-Ku inta mokosanang kon gina-Ku. Akuoi ain nobogoi in kawasa-Ku kon inia, sin modia kon koadilan kon batúan in bangusa.

MATIUS 12:18

“Indoiaika, tua in simpaḷ-Ku inta piniḻí-Ku, Bo inta kinotabi-Ku, inta kinosanang in gina-Ku, Roho-Ku in ogoi-Ku kon i-Nia, bo sia in mopotaau in atorang kon bayongan intau.

MATIUS 17:5

Koyogotpa in ki Petrus nosingog kon tua, daḻi-daḻí noikoḷubung magí kon i monia in goḷom inta mobunod bo kinodongogan nongkon goḷom tatua in singog inta noguman, “Naadon in Adí-Ku inta kinotabi-Ku, Sia tanaa inta kinoibog-Ku, indongogaidon in Sia.”

MATIUS 27:43

Sia moharap mako kon i Allah mamangoi. Pomayá mako sinbá ki Allah in mamangoi bo moposaḷamat kon i-Nia, aka koibog i Allah in Sia! Sin Sia aindon nongaku kon Sia kaín in ki Adí i Allah.”

MATIUS 3:13

Nongkon Galilea ki Yesus namangoi kon i Yohanes kon Ongkag in Yordan bo nokibaptis kon inia.

MATIUS 3:16

Naonda in nopaḷut binaptis, ki Yesus ḷagi nobatun nonaḷámai kon tubig tatua, bo kon dodai doman intua ḷangit nobukat bo inontong-Nea in Roho i Allah naonda bo ḷagapan paḷoma noponag kon i-Nia.

MATIUS 3:17

Bo kinodongogandon in singog nongkon soroga noguman: “Naadon ki Adí-Ku inta kinotabi-Ku, Sia naa inta kinoibog-Ku.”

MARKUS 1:11

Poḷat kinodongogan in singog i Allah noguman, “Ikobí in ki Adí-Ku inta kinotabi-Ku, Ikobí in kinosanang in gina-Ku.”

MARKUS 1:9

Kon wakutu intua namangoi in ki Yesus nongkon Nazaret butá in Galilea bo binaptis i Yohanes kon Ongkag in Yordan.

MARKUS 9:7

Noiduduimai kon tua, mosia in kinokoḷubungandon in goḷom bo kinodongogan in singog nongkon goḷom tatua noguman, “Naabí in ki Adí-Ku inta kinotabi-Ku. Indongogai in Sia!”

LUKAS 2:14

“Dinayo-dayowdon in ki Allah kon tampat inta Totok in Moḷantud! Bo dodamean umuran kotaki-takin monimu, intau inta umuran mogaid kon mokosanang kon gina i Tuhan!”

LUKAS 4:21

Bo nomangkoidon in ki Yesus nosingog nanaa, kon i monia, “Onu in pinais kon tontagá tanaa yo singgai domandon naa inintompodan kon wakutu in moiko nokodongog.”

YOHANES 1:32

Ki Yohanes in noguman doman nanaa, “Akuoi in nokoontong kon Roho i Allah in noponag nongkon ḷangit naonda bo ḷagapan paḷoma dinumompá bo nogutun kon i-Nia.

YOHANES 12:28

Amá, pomuliadon in tangoi-Mu!” Dá kinodongogandon in singog nongkon soroga in noguman, “Aindon pinomulia-Ku, bo buipabí doman pomuliaan-Ku.”

YOHANES 5:37

Bo ki Amá inta nopotabá kon i-Nakó in nobogoi doman in kosakusian soaḷ Akuoi. Moiko in diápa kon dodai onda in nokodongog kon singog-Nea andeka nokoontong kon pogot-Nea.

OUMAN IN RASUL MITA 10:38

Bo kinotaauanbí domandon monimu kon ki Allah ain nomiḻí kon i Yesus intau in Nazaret tua bo nobogoi kon i-Nia in Roho i Allah bo kawasa. Kinotaauan domandon monimu kon ki Yesus tuata inta minayá in ḻipu-ḻipúannea bo nogaid kon inta mopia poḷat nongundam kon bayongan in intau inta kinawasa in Ibilis, sin ki Allah in umuran kotaki-takin-Nea.

KOLOSE 1:13

Pinilatan-Neadon in kita nongkon kawasa inta nosindip bodongka pinamping kon bonu in dodatuan i Adí-Nea inta kinotabi-Nea.

PETRUS 1 2:4

Tuamai, angoidon kon i Tuhan. Sia in naonda bo batu inta nobiag, batu inta iḷumbú in intau mita sin inanggap monia diá baraguna; táe piniḻídon i Allah nobaḻí batu inta totok in moponting.