LUKAS 24:5 - Alkitab Singog In Mongondow Masa In Tanaa

⁵ Mosia in totok inagían in ondok, bo sinumungkud dapot in butá, táe intau doyowa tatua in noguman kon i monia, “Nongonu sin moiko in motayakbí kon intau inta nobiagdon kon sigad in intau minatoi?

LUKAS 24:5 Iomraidhean Croise

DANIEL 10:16

Onda intua malaekat inta naonda bo intau tatua nopotonggó in ḻimanea bo noḻiai kon bibigku. Akuoi in noguman kon inia, “Tuang, oontongon tanaa in nokororiga totok kon ginaku nodapot in akuoi totokdon in diá nokopongonu.

DANIEL 10:19

Sia in noguman, “Ki Allah in notabi kon inimu, tuamai dikadon moḻia-ḻiaw in gina andeka moondok, yo, koropotdon!” Kon dodai in sia noguman natua, kinorasaanku kon nodugangdon bui in ropotku bo noguman, “Posingogdon, Tuangku. Ki Tuang in nodugangdon kon ropotku.”

LUKAS 1:29

Nokodongogmai kon singog tatua in ki Maria, noitaḻikokog in sia bo norai kon bonu in ginanea, onu degá in mangaḻe in salam tatua.

LUKAS 24:4

Sinimindogpa mako in mosia sin moporai-raimai kon soaḷ tatua, daḻíbí bo noisindogbí magí kon diug monia in intau doyowa inta nogiḷambung nobudó mopouḻi-uḻinag.

LUKAS 24:6

Sia in diábí kon naa. Sia aindon nobiag! Toropdon onu inta ain pinoguman-Nea kon i monimu kon tungkuḷ in Sia kon Galileapa,

OUMAN IN RASUL MITA 2:24

Táe Sia in biniag bui i Allah. Sia in pinilatan nongkon roriga in popatoi, sin diábí motaau aka Sia in umuran kon bonu in kawasa in popatoi.

IBRANI 7:8

Imang mita inta motarimamai kon mopuḷú noporsen nongkon onu inta nouḻí in umat, mosia tua in intaubí doman inta mato-matoi. Táe podudui in onu inta pinais kon Buk Motusi, ki Melkisedek inta notarimadon kon mopuḷú noporsen ná silai imang tua in intaubí inta umuran nobiag.

WAHYU 1:18

Akuoi naa in Sia inta nobiag tua! Akuoi ain minatoi, táe indoiaika, Akuoi in nobiagbí bo diá bidon mato-matoi. Popatoi bo dunia in intau minatoi kon bonu bidon in kawasa-Ku.

WAHYU 2:8

“Paisdon kon malaekat inta kon Smirna, nanaa: Nanaa in koyow nongkon i-Nia inta muna-munamai bo inta pangabisan – inta ain minatoi bo inta nobiag bui.