LUKAS 24:41 - Alkitab Singog In Mongondow Masa In Tanaa

⁴¹ Bo kon dodai in mosia diápa basí mopirisaya, popisí in noiḻiudon pia in gina bo noherang, ki Yesus in noḻibó kon i monia, “Oyúon degá in kaanon kon i monimu naa?”

LUKAS 24:41 Iomraidhean Croise

AYUB 9:16

Aka kuma bo Sia in motubag aka akuoi mokuani, moḻia-ḻiaw in ginaku, totuu degá kon moibog in Sia mokidongog kon singogku?

MARKUS 16:11

Táe naonda in kinodongogan monia kon ki Yesus in nobiag, bo ki Maria in nokoontongdon kon i-Nia, diábí in mosia nopirisaya.

MARKUS 16:13

Dá nobui in mosia bo nopotaau in soaḷ tatua kon murí mita i Yesus ibanea. Táe diá in mosia mopirisaya.

MARKUS 16:14

Pangabisannea, ki Yesus nokipogontong kon murí-Nea mita mopuḷú bomitá tatua, wakutu in mosia koyogot mongaan. Sinorúan-Nea in murí-Nea mita tatua sin diá totok mopirisaya bo motogat totok in gina sahingga in diá mopirisaya kon intau mita inta ain nokoontong kon ki Yesus in nobiagdon bui.

MARKUS 8:7

Kon i monia oyúon doman in toyá nongoaḷus. Ginamá i Yesus in toyá tatua bo nosukur kon i Allah bodongka pinoki sila-silai-Nea doman magí-mako kon murí-Nea mita tatua.

LUKAS 24:11

Táe rasuḷ mita inta pinogumanan monia in diá mopirisaya, sin irai monia kon bobay mita tatua in nongongumanbí kon inta diá totuu.

LUKAS 24:40

Koyogot in Sia noguman natua, nopoontong doman in Sia in ḻima bo sioḷ-Nea kon i monia.

LUKAS 24:42

Mosia in nobogoi kon i-Nia in toyá ginoreng topongkó.

YOHANES 16:22

Natuabí doman in moiko: Tanaa mako mosusapabí in gina monimu, táe buipabí in Akuoi moyodungkuḷ monimu, dá moḷunganga in gina monimu; bo diábí tobatúmai intau in motaau mogamá kon ḷunganga in ginamu tatua.

YOHANES 21:5

Ki Yesus in noḻibó kon i monia, “Adí-Ku mita, oyúon degá in toyá kon i monimu?” “Diá,” tubag monia.

OUMAN IN RASUL MITA 12:14

Táe baḷúneadon kinotaauan kon ki Petrus intua. Tongá popisí in kinoḻiuan in pia in ginanea, dá diápabí binukatannea in ḷoḻingkop tatua, minayápabí in sia bo noguman kon bayongan intau inta noyosipun kon tua kon ki Petrus in tua kon ḷuai.