LUKAS 24:4 - Alkitab Singog In Mongondow Masa In Tanaa

⁴ Sinimindogpa mako in mosia sin moporai-raimai kon soaḷ tatua, daḻíbí bo noisindogbí magí kon diug monia in intau doyowa inta nogiḷambung nobudó mopouḻi-uḻinag.

LUKAS 24:4 Iomraidhean Croise

KINOBAḺIAN 18:2

Naonda in sia dinumungádon monik, sia in nokoontong kon intau taya toḷu sinimindog kon tayowonnea. Ki Abraham in baḷú noribatuk sin monontomu kon i monia tua. Takin sinumungkud

MARKUS 16:5

Bo mosia in sinumuot kon bonu in pinoḷobongan tatua. Kon bonu in pinoḷobongan dotá in koḷanan inontong monia tobatú tayowmobiag inta nogi jubah nobudó iḻimitú mako, bo noitaḻikokog in mosia.

LUKAS 2:9

Indoianmai sinimindogbí magí in malaekat i Tuhan, bo nokipogontong kon i monia. Sindar i Tuhan nonimbayag kon i monia, dá totok inangoian in ondok i mosia.

LUKAS 24:5

Mosia in totok inagían in ondok, bo sinumungkud dapot in butá, táe intau doyowa tatua in noguman kon i monia, “Nongonu sin moiko in motayakbí kon intau inta nobiagdon kon sigad in intau minatoi?

OUMAN IN RASUL MITA 1:10

Bo ḷumangagpa mako in mosia sin moindoi kon kinoonikan i Yesus, yo indoianmai doyowa intau inta nogiḷambung nobudó noisindogbí magí kon diug monia,

OUMAN IN RASUL MITA 12:7

Indoianmai noisindogbí magí malaekat i Tuhan kon tua bo nonimbayag kon bonu in ponjara. Malaekat tatua in noguḷung kon i Petrus dá noibangon. Bo malaekat tatua in noguman, “Ei, ḷagidon pobangon!” Dá kon dodaipa doman intuata bo notontak in rante uatoi inta pinotokig kon ḻimanea.

TIMOTIUS 1 3:16

Diábí tobatúmai in motaau momayow, kon moḷobenbí totok in onu inta noibunipa kon agama naton naa: Sia namangoi in dunia naa sinumon rupa intau, bo inakubí in Roho i Allah, bo inontong in malaekat mita. Habarnea pinowayadon kon sigad in bayongan bangusa, bo Sia in pinirisaya in bayongan intau kon dunia naa poḷat sinintak namonik in soroga.