LUKAS 24:30 - Alkitab Singog In Mongondow Masa In Tanaa

³⁰ Kon wakutu in ḻimitúdon mongaan moyotakin monia, ki Yesus in nogamá kon roti, bo nopoyaput in sukur kon i Allah poḷat nomonsi-monsig kon roti tatua, bo inogoi kon i monia.

LUKAS 24:30 Iomraidhean Croise

MATIUS 14:19

Bo pinoki ḻitúan-Nea in intau moantó tatua kon tudu in bonok. Bo naonda in ginamá-Nea in roti ḻima bo toyá doyowa tatua, iḷumangag in Sia kon ḷangit bo nomarakat. Bodongka nomonsi-monsig kon roti tatua bo inogoi kon murí-Nea mita pinoki silai kon i monia. Murí-Nea mita in nosilai magí mako kon intau moantó tua.

MATIUS 15:36

Onda intua ginamá-Nea in roti bo toyá mita tatua, bo nopoyaput in sukur. Bodongka nomonsi-monsig kon roti tatua bo inogoi kon murí-Nea pinoki silai, dá sinilai domandon in murí-Nea mita kon intau mobayong tatua.

MATIUS 26:26

Bo kon dodai in mosia koyogot nongaan ki Yesus in nogamá kon roti bo nomarakat poḷat binonsi-bonsig bo inogoi kon murí-Nea mita, bo noguman: “Gamádon bo kaandon, naa in awak-Ku.”

MARKUS 14:22

Wakutu in mosia yogot mongaan, ki Yesus in nogamá kon roti bo nosambayang nopoyaput in sukur kon i Allah. Onda intua binonsi-bonsig-Nea in roti tatua bo inogoi kon murí-Nea mita poḷat noguman, “Gamá bo kaandon, awak-Ku in naa.”

MARKUS 6:41

Onda intua ki Yesus nogamá kon roti ḻima tatua takin toyá doyowa, bo iḷumangag kon ḷangit nopoyaput in sukur kon i Allah. Nopaḷut mako kon tua, binosi-bonsig-Nea in roti tatua bo pinoki silai kon intau mita tatua. Ná doman tua in toyá doyowa tatua sinila-silai doman mako kon i monia komintan.

MARKUS 8:6

Dá pinoki ḻitúan i Yesus in intau moantó tatua kon butá, bodongka nogamá kon roti pitu tatua bo nopoyaput in sukur kon i Allah. Onda intua binosi-bonsig-Nea in roti tatua bo inogoi kon murí-Nea mita pinoki silai kon intau mita tatua. Dá sinilai domandon in murí-Nea mita.

LUKAS 22:19

Onda intua ki Yesus in nogamá kon roti. Bo naonda in sinambayangan-Nea mako, binonsi-bonsig-Nea in roti tatua bo inogoi kon i monia poḷat noguman, “Naadon in awak-Ku [inta pinosarakan kon i monimu. Aidai doman in naa, saḷaku tanda kon moiko in umuran monorop kon i-Nakó.”

LUKAS 24:29

táe sinahangdon monia in Sia, takin noguman, “Pongandupa kon tampat nami naa sin aindon modoḷom.” Dá nongandupdon in Sia bo nogogai takin monia kon tua.

LUKAS 24:35

Dumodudui i Yesus doyowa inta bagu namangoi tatua nongonguman doman kon onu inta ain nobaḻí kon i monia wakutu in mosia kon binayáanpa, bo kon naonda in kinototaau monia kon ki Tuhanbí intua kon dodai in Sia nomonsi-monsig kon roti.

LUKAS 9:16

Onda intua ginamádon i Yesus in roti ḻima bo toyá doyowa nobungá tatua, bodongka iḷumangag kon ḷangit bo nosukur kon i Allah. Onda intua binonsi-bonsig-Nea in roti tatua bo inogoi kon murí-Nea mita pinoki silai kon intau moantó tatua.

YOHANES 6:11

Onda intua ki Yesus nogamá kon roti bo nopoyaput in sukur kon i Allah. Nopaḷut mako kon tua sinila-silai-Nea mako in roti tatua kon intau moantó tatua. Noiduduimai kon tua sinila-silai-Nea domandon in toyá tatua, bo mosia in komintan nongaan kinooibogbí monia.

OUMAN IN RASUL MITA 2:42

Mosia morajing totok in mokidongog kon onu in sinundú in rasul mita tatua bo umuran moyosipun moyotakin mongaan bo mosambayang.

OUMAN IN RASUL MITA 2:46

Pomuḷoi in singgai mosia in moyosipun kon Baḷoi Tuhan; mosia mongaan doman moyotakin kon baḷo-baḷoiannea. Tua komintan inaidan monia takin pia in gina bo takin doman dodia inta moompá.

OUMAN IN RASUL MITA 27:35

Nopaḷut mako nosingog kon natua ki Paulus in nogamá kon roti bo nosukur kon i Allah kon tayowon monia komintan. Onda intua sinila-silaineadon mako in roti bodongka nongaan.