LUKAS 24:19 - Alkitab Singog In Mongondow Masa In Tanaa

¹⁹ Dá ki Yesus in noḻibó doman, “Onu intua?” Tubag monia doman, “Soaḷ inta nobaḻí kon i Yesus intau in Nazaret tua. Sia tua in tobatúbí nabi. Singog bo oaid-Nea mita totokbí in mokawasa – pinomayá kon mata i Allah andeka kon mata in bayongan intau.

LUKAS 24:19 Iomraidhean Croise

MATIUS 21:11

Intau moantó tatua notubag, “Naadon in ki Nabi Yesus nongkon Nazaret kon Galilea.”

MARKUS 1:24

“Ei Yesus, intau in Nazaret, onuon-Mu in kami? Mamangoi degá momutú kon inami in Iko? Kotaauankubí in Iko: Iko nion in totabá i Allah inta motusi!”

LUKAS 24:18

Bo tobatú nongkon i monia inta tangoinea ki Kleopas noḻibó kon i Yesus nanaa, “Degá bodongka bidon ki Amá in intau kon ḷuai in Yerusalem naa inta diá nonotaau kon bayongan inta bagu nobaḻí tumimai naa?”

LUKAS 7:16

Intau kon tua noondok komintan bo nodayow kon i Allah poḷat noguman, “Tobatú nabi inta moḷoben naadon kon yua-yuak naton! Bo ki Allah in namangoidon moposaḷamat kon umat-Nea!”

YOHANES 3:2

Kon doḷom tobatú, sia in namangoi kon i Yesus bo noguman, “Pak Guru, kinotaauan nami kon ki Amá in pinotabábí i Allah. Sin diábí in tobatúmai intau in motaau mogaid kon soaḷ mita inta mokoherang ná inta pinomia i Pak Guru aka ki Allah diá kotaki-takinnea.”

YOHANES 4:19

Bobay tatua in noguman, “Kinotaauankudon tanaa kon ki Tuang in tobatúbí nabi.”

YOHANES 6:14

Naonda intau moantó tatua nokoontong kon inta mokoherang pinomia i Yesus, mosia in noguman, “Totuu, naabí in nabi inta i harap mako mamangoi in dunia!”

YOHANES 7:52

Dá mosia in noguman kon inia, “Eta degá iko nion doman in nongkon Galilea? Pirikisadon kon bonu in Buk Motusi dá kotaauanmu bidon kon diábí in tobatúmai nabi in mamangoi nongkon Galilea!” [

OUMAN IN RASUL MITA 10:38

Bo kinotaauanbí domandon monimu kon ki Allah ain nomiḻí kon i Yesus intau in Nazaret tua bo nobogoi kon i-Nia in Roho i Allah bo kawasa. Kinotaauan domandon monimu kon ki Yesus tuata inta minayá in ḻipu-ḻipúannea bo nogaid kon inta mopia poḷat nongundam kon bayongan in intau inta kinawasa in Ibilis, sin ki Allah in umuran kotaki-takin-Nea.

OUMAN IN RASUL MITA 2:22

Utatku mita intau in Israel! Indongogai in singogku tanaa: Makusudku tua in ki Yesus intau in Nazaret. Sia pinotabá i Allah mamangoi kon imonimu. Tua in moniata kon i monimu sin Sia ain nogaid kon oaidan inta mokoherang totok bo nopoontong in tanda mita inta nongkon i Allah. Tua mita in inaidan-Nea kon yua-yuak monimu bo tua in kinotaauanbí monimu.

OUMAN IN RASUL MITA 7:22

Bayongan in pongotahuan in bangusa Mesir nodait sinundú kon inia, sahingga in sia nobaḻí intau inta totok mokawasa kon soaḷ pososingog bo oaidnea.

ULANGAN 18:15

Táe nongkon bangusa naton tontaní potabá-Neabí mangoi kon inimu in ná akuoi naa, bo moiko musti motoindudui kon inia.