LUKAS 24:11 - Alkitab Singog In Mongondow Masa In Tanaa

¹¹ Táe rasuḷ mita inta pinogumanan monia in diá mopirisaya, sin irai monia kon bobay mita tatua in nongongumanbí kon inta diá totuu.

LUKAS 24:11 Iomraidhean Croise

KINOBAḺIAN 19:14

Bo minayádon in ki Lot nokipodungkuḷ kon tayowmobiag doyowa inta nongantangdon kon i adínea doyowa, bo poḷat noguman, “Koḻikatdon ḷuai nongkon kotá tanaa, sin yompatondon i Tuhan.” Táe kai monia kamai tongábí mobobaḻitumbuyan in ki Lot.

DATU MITA 2 7:2

Itoi in tontara inta moḷoḷukad kon i datu in notubag, “Naondabí! Diábí kumaan kon akaḷ intua, umpakabí kon tanaa mako doman ki Tuhan in mopoangoi in uyan morogot nongkon ḷangit!” “Bain indoianmu tontaní in kobaḻían intua, táe iko in diábí moikaan kon kaanon tatua umpaka tongá topiḻikmai,” tubag i Elisa.

AYUB 9:16

Aka kuma bo Sia in motubag aka akuoi mokuani, moḻia-ḻiaw in ginaku, totuu degá kon moibog in Sia mokidongog kon singogku?

MAZMUR 126:1

Dondong mayá in Baḷoi Tuhan. Kon tungkuḷ in ki Tuhan nopoguḻí bui in kaadaan Yerusalem, kita in naonda bo sinogoindop!

MARKUS 16:11

Táe naonda in kinodongogan monia kon ki Yesus in nobiag, bo ki Maria in nokoontongdon kon i-Nia, diábí in mosia nopirisaya.

MARKUS 16:13

Dá nobui in mosia bo nopotaau in soaḷ tatua kon murí mita i Yesus ibanea. Táe diá in mosia mopirisaya.

MARKUS 16:14

Pangabisannea, ki Yesus nokipogontong kon murí-Nea mita mopuḷú bomitá tatua, wakutu in mosia koyogot mongaan. Sinorúan-Nea in murí-Nea mita tatua sin diá totok mopirisaya bo motogat totok in gina sahingga in diá mopirisaya kon intau mita inta ain nokoontong kon ki Yesus in nobiagdon bui.

LUKAS 24:25

Bo ki Yesus in noguman kon i monia, “Moiko nion in totuubí kon bodok! Moḷaḷoi totok in pororai monimu kon onu inta ain pinoguman in nabi mita!

LUKAS 24:41

Bo kon dodai in mosia diápa basí mopirisaya, popisí in noiḻiudon pia in gina bo noherang, ki Yesus in noḻibó kon i monia, “Oyúon degá in kaanon kon i monimu naa?”

OUMAN IN RASUL MITA 12:9

Bo dinumudui in ki Petrus kon malaekat tatua iḷumuai nongkon ponjara tatua. Táe diábí kinotaauannea kon onu inta inaidan malaekat tatua in totu-totuubí nobaḻí. Kainia kamai dá tongábí ná oyúon in noiḷabotmai kon matanea.