LUKAS 23:44 - Alkitab Singog In Mongondow Masa In Tanaa

⁴⁴ Degá jamdon mopuḷú bodoyowá noutu in singgai, mata in singgai diádon nonindar, bo bayongan in ḻipu kon tua sinimindipdon dapot in jam intoḷunea ḷoḷabungnea.

LUKAS 23:44 Iomraidhean Croise

MAZMUR 105:28

bo mosia in motoindudui kon parenta-Nea. Bo binaḻí i Tuhan in butá tatua sinimindip komintan.

YOËL 2:31

Mata in singgai in simindipdon bo buḷan in mobaḻídon mopura naonda bo dugú. Tua komintan in mobaḻí kon dodai in diápa moiangoi in Singgai i Tuhan, singgai inta motoyang bo mokokoningkim!

AMOS 5:18

Totuu kon moboditobí in moiko inta mokotanob kon singgai i Tuhan! Onubí in mangaḻenea in singgai tatua kon inimu? Singgai tatua in tongábí nobaḻí singgai inta mosindip, deemanbí singgai inta mobayag kon inimu.

AMOS 8:9

Moiangoibí in wakutunea baḻíon-Ku in mata in singgai tumoyop moutupa in singgai bo dunia in simindipdon kon dodai in singgaipa. Akuoi, ki Tuhan, Inta Totok in moḷantud, ain nosingog.

MATIUS 27:45

Pinangkoi kon jam mopuḷú bodoyowá moutu in singgai nodapot in jam nogintoḷu sinimindip in ḻipú tatua.

MATIUS 27:52

Bo poḷoḷobonganan mita nongobukat bo nobayong in intau mita inta mopia bo mopirisaya kon i Allah inta aindon minatoi in nobiag bui.

MARKUS 15:39

Tobatú porwira inta sinimindog mako kon tayowon kayu pinoyotaḻempang tatua, nokoontong kon naonda in ki Yesus minatoi. Bo noguman in sia, “Totuubí kon ki Adíbí i Allah in Sia naa!”

YOHANES 19:14

Wakutu intua singgaidon pinobasadiaan kon poramean Paska, degá jam mopuḷúdon bo doyowa. Ki Pilatus nogumandon kon intau mita tatua, “Naa in datumu!”

OUMAN IN RASUL MITA 2:20

Mata in singgai in mobaḻí mosindip, buḷan in mosimpuya naonda bo dugú kon wakutu in diápa moiangoi in singgai i Tuhan, singgai inta totok in moḷoben bo momulia tua.