LUKAS 23:43 - Alkitab Singog In Mongondow Masa In Tanaa

⁴³ Dá kai Yesus doman, “Popirisayadon! Singgaipa doman in tanaa iko in moyotakin-Kudon kon Pirdaus.”

LUKAS 23:43 Iomraidhean Croise

MAZMUR 32:5

Bo akuoi in nongakudon kon dosaku kon ini-Mu, taḷáku diá in binuniku. Sinantúkudon kon akuonku kon ini-Mu, bo inampungan-Mu in bayongan in dosaku.

MAZMUR 50:15

Pokuanidon kon i-Nakó kon dodai in koantugan in bodito, Poḷuaton-Kubí in moiko, bo moiko in modayowbí kon i-Nakó.”

YESAYA 53:11

Tuamai in ki Tuhan in noguman, “Naonda in nobaba mako kon roriga, sia in mosanangbí bo mopuas. Mogogundoi-Ku tua, inta mokosanang kon gina-Ku, ain nobaba kon hukuman in intau mobayong; pinodoyon kon inia Akuoi in mongampung kon i monia.

YESAYA 65:24

Kon tungkuḷ in mosia diápa mopoigum Akuoi in motubag; kon tungkuḷ in mosia diápa mopaḷut mosambayang, Akuoi in notubagdon kon sambayang monia.

MIKHA 7:18

Diábí in Allah ná Iko, o Tuhan, inta mongampung kon dosa in umat inta piniḻí-Mu inta ki agatneapa. Diábí modapot in mononoi tumorú in Iko; táe, mopiabí in gina-Mu in moponiata in tabi-Mu inta diá in obotnea tatua.

LUKAS 19:10

Sin ki Adí Intau in mamangoi motayak bo moposaḷamat kon intau inta nongobuḻi.”

LUKAS 23:42

Nosingog mako natua, sia in noguman kon i Yesus, “Yesus, toropdon in akuoi aka iko in mamangoidon saḷaku Datu!”

YOHANES 14:3

Naonda in Akuoi mayádon moposadia in tampat kon i monimu, Akuoi in buibí mamangoi monontomu kon i monimu, sinbá kon onda in Akuoi, kon tua doman i moiko.

YOHANES 17:24

Amá, ibogon-Ku, sinbá mosia inta ain inogoi i Amá kon i-Nakó in moyotakin-Ku doman kon tampat inta bayáan-Ku, sinbá koontongandon monia in kamuliaan-Ku, inta ain inogoi i Amá kon i-Nakó. Sin Akuoi in kinotabi i Amá kon wakutu in dunia naa diápa pinomia.

KORINTUS 2 5:8

manangka intua kami in umuran mosabar. Bo moibo-ibogdon monaḷámai kon awak ilo-ilow naa, sinbá mogutundon moyotakin i Tuhan.

PILIPI 1:23

Doyowa norupa naa in morigugut kon bonu in ginaku. Moibogdon in akuoi monaḷámai kon dunia naa bo mayá mogutun takin i Kristus, sin tuabí inta totok in mopia;

IBRANI 7:25

Manangka intua ki Yesus in umuranbí motaau moposaḷamat kon intau mita inta namangoi kon i Allah inta mongin i-Nia. Sin Sia in nobiag mononoi bo umuran mopoyaput in mintahang kon i Allah sin kopontingan intau mita tatua.

WAHYU 2:7

Ki ine in mokodongog, yo tarukiradon onu in pinoguman in Roho i Allah kon jamaat mita! Mosia inta mountung, ogoi-Ku mokaan kon bungai inta nongkon pangkoi in kobiagan inta nobiag kon taman i Allah.”