LUKAS 23:4 - Alkitab Singog In Mongondow Masa In Tanaa

⁴ Dá ki Pilatus in nogumandon kon imang mita itoi bo intau mita inta kon tua, “Intau tanaa in diábí kinouḻíanku kon taḷá tobatúmai inta motaau baḻíonku dodoyonan pohukuman kon i-Nia.”

LUKAS 23:4 Iomraidhean Croise

MATIUS 27:19

Wakutu in ki Pilatus ḻimitúpa mako kon baḷoi pongadilan, ki buḷoinea nongoyow kon inia, “Donaai iko dumugang kon pelekara in intau mopia tanion, sin lantaran Sia yo akuoi in sinumogoindop kon diá mopia in kogobíi.”

MARKUS 15:14

Táe iḻibó i Pilatus kon i monia, “Aid moraat onu in inaidan-Nea?” Bo mosia in totokdon in nomaḷú, “Popopakúdon kon kayu pinoyotaḻempang in Sia!”

LUKAS 23:22

Bo kon intoḷuneadon in ki Pilatus noḻibó kon i monia, “Táe onubí in taḷá-Nea? Akuoi in diábí nokouḻí kon taḷá-Nea tobatúpamai inta motaau baḻíon dodoyonan pohukuman kon i-Nia dapot in matoi! Akuoi in mosambokdon kon i-Nia, bodongka pobebason in Sia.”

OUMAN IN RASUL MITA 25:25

Táe diábí kinouḻíanku in sia kon taḷá tobatúmai inta motaauku baḻíon dodoyonan pohukuman kon inia modapot in matoi. Bo siabí tontaní in nopoigum sinbá pelekaranea tatua in tantúondon kon pongadilan i Kaisar, dá tuamai in sinantúkudon kon sia in diaandon kon i Kaisar.

OUMAN IN RASUL MITA 3:13

Ki Allah inta sinumba i Abraham, i Ishak, i Yakub bo in mogoguyang naton tua in ki Allahbí inta nopomulia kon simpaḷ-Nea inta ki Yesus Kristus. Ki Yesus tua inta pinosarakan bo inta diá sinarima monimu kon tayowon i Pilatus umpakabí kai Pilatus in buḻiandon in Sia.

IBRANI 7:26

Dá ki Yesusbí tua in Imang Moḷoben inta paraḷuon naton. Sia tua in nodaritbí kon bayongan in yagi-yagi, diábí in taḷá andeka dosa onukadon kon i-Nia. Sia in pinotondí nongkon intau mita inta dinosa, bo dinia pinoonik in tampat inta moḷantu-ḷantud nongkon ḷangit.

PETRUS 1 1:19

táe dugúbí inta totok in momahaḷ, tuata in dugú i Kristus inta pinodugú naonda bo dugú in ki adí in domba inta diá nobogit ande diá pinaḻi-paḻían. Sia pinokuruban kon i Allah.

PETRUS 1 2:22

Sia in diábí dodai onda in nogaid kon dosa, bo diábí doman tobatúmai intau nokodongog kon i-Nia nonguboḷ.

PETRUS 1 3:18

Sin ki Kristus tontaní in tongábí doman komintan minatoi popisí in dosa mita intau. Tobatú intau inta diá kotaḷá; minatoi popisí in intau inta kotaḷá. Ki Kristus in nogaid kon tua sinbá kita in motaau-Nea diaan mayá kon i Allah. Sia in iḻimod kon kaadaan saḷaku intau, táe biniag bui kon bonu in Roho.