LUKAS 23:35 - Alkitab Singog In Mongondow Masa In Tanaa

³⁵ Intau mita in sinimindog mako kon tua bo moindoimai. Itoi mita intau Yahudi umuran morebeg kon i-Nia takin mosingog, “Sia ain noposaḷamat kon intau ibanea; diábí bo tungkuḷan-Nea in tanaa mako bo posaḷamaton in awak-Nea tontaní aka totu-totuubí kon Sia in Datu Mopoposaḷamat inta piniḻí i Allah!”

LUKAS 23:35 Iomraidhean Croise

MAZMUR 22:17

Akuoi in kinopung in paanan intau moraat; naonda bo paanan in ungkú mosia in noḻibut kon inakó, nonurak kon ḻima bo sioḷku.

MAZMUR 35:15

Táe kon tungkuḷ in akuoi nosusa, nopia in gina monia, bo nosipun sin monayow kon inakó. Mosia in mayá moposedo-sedo sin moningkuḻe kon inakó.

MAZMUR 4:2

O Allah, Ikobí in mododuḷuku; tubagaibí aka akuoi mokuani. Kon dodai in akuoi inumaan in susa; sinuḷungan-Mu in akuoi; dá tanaa kotabipa kaasí in akuoi bo indongogaipa in sambayangku.

MAZMUR 69:26

Biódon mako ḷoḷaigan monia moingongow, bo ḷoḷaigan mita monia diádon in mogogutun.

MAZMUR 71:11

Guman monia, “Sinaḷáandon i Allah in sia; igai aḷowan naton bo domokon in sia, sin diábí in moposaḷamat kon inia.”

YESAYA 42:1

Guman i Tuhan, “Naa in mogogundoi-Ku inta binaba-Ku, intau inta piniḻí-Ku inta mokosanang kon gina-Ku. Akuoi ain nobogoi in kawasa-Ku kon inia, sin modia kon koadilan kon batúan in bangusa.

YESAYA 49:7

Ki Allah mokudus Mopoposaḷamat in Israel in noguman kon intau inta totok in siningkuḻe, bo inta kinodoí in bangusa mita bo inta nobaḻí ata in pongawasa mita, “Datu mita in mokoontongbí kon onu in aidan-Ku; mosia in simindogbí mohoromat kon i-Nakó. Pongawasa mita in mokoontongbí doman kon tua, bo tumungkud mosumba.” Tua in mobaḻí popisí in ki Tuhan ain nomiḻí kon mogogundoi-Nea; Ki Allah mokudus in Israel in mosatia kon dandi-Nea.

YESAYA 53:3

Kita in moningkuḻe bo yumayú kon inia, intau inta nopuḻing in roriga bo nobiasa mobaba kon takit. Diá tobatúmai in intau in moibog imindoi kon inia, bo kita in diá doman moindoimai kon inia.

OMBAḶ 3:14

Kinoouputbí in singgai akuoi kinosingan in bayongan in intau, bo umuran sigidon.

ZAKHARIA 12:10

Onda intua buí i Daud takin intau mita inta nogutun kon Yerusalem ogoian-Kudon in gina inta kototabi bo moibog mosambayang. Mosia in imindoibí kon inia inta ain sinumbuk monia bo ombaḷan monia naonda bo intau mongombaḷ kon kinopatoian i adínea tuḷong. Mosia in mongombaḷbí imibo-ibog, naonda bo intau inta ain kinobuḻian i adínea guya-guyang.

MATIUS 12:18

“Indoiaika, tua in simpaḷ-Ku inta piniḻí-Ku, Bo inta kinotabi-Ku, inta kinosanang in gina-Ku, Roho-Ku in ogoi-Ku kon i-Nia, bo sia in mopotaau in atorang kon bayongan intau.

MATIUS 3:17

Bo kinodongogandon in singog nongkon soroga noguman: “Naadon ki Adí-Ku inta kinotabi-Ku, Sia naa inta kinoibog-Ku.”

LUKAS 16:14

Onu in siningog i Yesus tatua dinongog in intau mita in Parisi táe tongá kinosingan monia, sin mosia tua in dinoit.

LUKAS 23:13

Ki Pilatus in nosipun kon imang mita itoi, bo itoi mita intau in Yahudi, bo rayat,

LUKAS 23:39

Tobatú intau moraat inta pinopopakú kon kayu pinoyotaḻempang kon tua, norebeg doman kon i Yesus, kai-nia, “Iko in Datu Mopoposaḷamat, toh? Yo posaḷamatkadon in awak-Mu bo kami naa!”

PETRUS 1 2:4

Tuamai, angoidon kon i Tuhan. Sia in naonda bo batu inta nobiag, batu inta iḷumbú in intau mita sin inanggap monia diá baraguna; táe piniḻídon i Allah nobaḻí batu inta totok in moponting.