LUKAS 23:34 - Alkitab Singog In Mongondow Masa In Tanaa

³⁴ Bo ki Yesus in nosambayang, “Amá ampungaidon in mosia sin diábí kinotaauan monia onu inaidan monia naa.” Onda intua, pakeang i Yesus sinilaidon monia kon tua táe munapa inundi.

LUKAS 23:34 Iomraidhean Croise

KINOBAḺIAN 50:17

sia in nopotabá kon inami mopotaau kon inimu in koyow tanaa, ‘Ampungaidon in taḷá koḻipod inta ain inaidan i guya-guyangmu kon inimu.’ Dá saḷaku bobantung mita i Allah inta sinumba i amá naton, kami in mopoigum, ampungaidon in taḷá inta ain inaidan nami.” Ki Yusup in nongombaḷ kon dodai in notarima kon koyow tatua.

MAZMUR 22:18

Bayongan in tuḷanku koiapanku, Musung in inimindoi kon inakó naonda bo tontonan.

YESAYA 53:12

Nobayagbí in ginanea in nobogoi in kobiagannea bo pinoyoiap intau moraat. Sia in nomotaan kon dosa in intau mobayong bo nosambayang sinbá mosia in ampungan. Dá inogoian-Ku in sia in intau mobayong nobaḻí tombuinag, bo sia in nokouḻí kon tonsilai noyotakin in intau mita mobanar.”

MATIUS 11:25

Kon wakutu intua nosambayang in ki Yesus kai-Nia: “Akuoi in mopoyaput in sukur kon ini-Mu, Amá, Tuhan in ḷangit bo butá, sin bayongan intua binuni-Mu kon intau mita inta mobijaksana bo kon intau mopandoi, táe pinoponiata-Mu kon intau inta moyangkó.

MATIUS 11:26

O, Amá, tuata in kinosanang-Mu.”

MATIUS 5:44

Táe tanaa Akuoi in moguman kon inimu: kotabibí in saturumu bo sambayangaidon in mosia inta nomogutú kon inimu,

MARKUS 15:24

Onda intua pinopopakúdon monia in Sia kon kayu pinoyotaḻempang, bo mosia in nosilai kon ḷambung i Yesus táe muna norabut kon undi sin monantú kon silai monia tontaní.

LUKAS 22:42

Nanaa in sambayang-Nea, “Amá, aka motaau, yo poyayúdon kon i-Nakó in roriga tanaa inta musti kobayáan-Ku. Táe deemanbí podudui in ibog-Ku, poduduibí kon ibog i Amá tontaní.” [

YOHANES 17:9

Sambayangan-Ku in mosia. Deemanbí dunia naa in sambayangan-Ku, táe intaubí mita inta ain inogoi i Amá kon i-Nakó, sin ki Amábí in kitogi kon i monia.

YOHANES 19:11

Ki Yesus in notubag, “Aka ki Allah diá mobogoi in kawasa tatua kon inimu, yo beresibí diá in kawasamu kon i-Nakó. Tuamai intaubí inta noposarakan kon i-Nakó kon inimu in moḷobe-ḷoben in dosanea nongkon inimu.”

OUMAN IN RASUL MITA 16:28

Táe ki Paulus in nomaḷú noguman, “Dika simimpatoi! Sin kon naapabí komintan in kami!”

OUMAN IN RASUL MITA 3:17

Utat mita! Tanaa in kinotaauankudon kon onu inta inaidan monimu bo in itoimu mita kon i Yesus popisíbí in diá kinotaauan monimu in onu inta pinomia monimu tua.

OUMAN IN RASUL MITA 7:60

Bo sinumungkud in sia poḷat nomaḷú noropot, “Tuhan, donaaidon dosa tanaa popobaba-Mu kon i monia!” Onda in noguman mako natua sia in minatoidon.

SURAT I PAULUS KON JAMAAT RUM 12:14

Poigumdon kon i Allah sinbá barakatan-Nea in intau mita inta nomogutú kon inimu. Poigumaibí kon barakat nongkon i Allah, donaaibí mopogodi-godimai.

KORINTUS 1 2:8

Diábí tobatúmai in pongawasa in dunia naa in nokotaau kon soaḷ kabijaksanaan tatua. Sin aka kinotaauandon monia, yo tantú diábí pinopopakú monia kon kayu pinoyotaḻempang in ki Tuhan inta momulia tua.

KORINTUS 1 4:12

táe umuranbí doman moramuji motayak in kami. Aka odi-odian intau in kami, tongábí tuḻían nami barakatan; aka pogutúon monia, mokoposabar in kami;

TIMOTIUS 1 1:13

umpakabí tungkuḷ intua akuoi naa in umuran moponapud in diá totuu bo momogutú poḷat doman moningkuḻe kon i-Nia. Táe sinotabibí i Allah in akuoi, sin dodai intua akuoi in diápa mopirisaya, sahingga in diábí kinotaauanku onu in pinomiaku tatua, noitutui ande noitaḷá.

PETRUS 1 3:9

Inta moraat donaaibí tuḻían onu inta moraat, ande aka sibáan yo donaaibí monuḻí monibá. Táe poigumbí sinbá barakatan i Allah in intau mita inta nomia natua kon i monimu. Sin ki Allah in nogoiní kon i monimu, sinbá motarima in moiko kon barakat-Nea.