LUKAS 23:32 - Alkitab Singog In Mongondow Masa In Tanaa

³² Kon tua oyúon doman in doyowa intau. Taya dua tua tumpaḷa intau moraat inta dinia doman monia sin hukumon dapot in motoi poyotakinon i Yesus.

LUKAS 23:32 Iomraidhean Croise

YESAYA 53:12

Nobayagbí in ginanea in nobogoi in kobiagannea bo pinoyoiap intau moraat. Sia in nomotaan kon dosa in intau mobayong bo nosambayang sinbá mosia in ampungan. Dá inogoian-Ku in sia in intau mobayong nobaḻí tombuinag, bo sia in nokouḻí kon tonsilai noyotakin in intau mita mobanar.”

MATIUS 27:38

Kon tua oyúon doman in doyowa intau mononakow inta pinopopakú doman kon kayu pinoyotaḻempang noyotakin-Nea, tobatú kon dotá in koḷanan, bo tobatú kon dotá in koḷoigi-Nea.

MARKUS 15:27

Dodai intua doyowa doman intau mogogagow in pinopopakú kon kayu pinoyotaḻempang noyotakin i Yesus. Tobatú kon dotá in koḷanan, tobatú kon dotá in koḷoigi Yesus. [

LUKAS 22:37

Sin pirisayadon in tontagá kon Buk Motusi inta noguman nanaa, ‘Sia in inanggap naonda bo intau moraat,’ mustibí mobaḻí kon i-Nakó. Sin onu inta pinais kon Buk Motusi soaḷ Akuoi, koyogot bidon mobaḻí in tanaa mako.”

LUKAS 23:31

Sin aka kayupa inta nobiag tatua, pomiaandon in intau ná tanaa, yo bambíkabí kayu inta noingkagdon! Onudon in pomiaan monia?”

YOHANES 19:18

Kon tua in Sia pinopopakúdon kon kayu pinoyotaḻempang. Oyúon doman intau doyowa in pinopopakú kon kayu pinoyotaḻempang takin i Yesus singgai tua. Tobatú kon dotá in koḷoigi, tobatú kon dotá in koḷanan, bo ki Yesus kon yua-yuak monia.

TIMOTIUS 2 2:9

Bo lantaranbí nopotaau in Habar Mopia tanaa dá akuoi in nokouḻí kon roriga, nodapot in sinokig naonda bo intau moraat, táe pirman i Allah in diábí motaau tokigon monia ná akuoi.

IBRANI 12:2

Mogaid in kita kon tua takin umuran mopirisaya kon i Yesus, sin Sia tuata inta nopobangon kon pirisaya naton bo umuran noḷukad kon pirisaya naton nongkon pinomangkoianpamai dapot in pangabisannea. Nonahangbí in ki Yesus in iyoyiga kon kayu pinoyotaḻempang! Diábí pinandung-Neamai in matoi kon kayu pinoyotaḻempang tua kon totokbí in mokooyá. Tongábí ḷunganga inta korasaan-Nea kon singgai moiduduimai in umuran pinonorop-Nea mako. Bo tanaa mako, Sia in iḻimitúdon kon dotá in koḷanan i Allah bo nomarenta noyotakin-Nea.