LUKAS 23:22 - Alkitab Singog In Mongondow Masa In Tanaa

²² Bo kon intoḷuneadon in ki Pilatus noḻibó kon i monia, “Táe onubí in taḷá-Nea? Akuoi in diábí nokouḻí kon taḷá-Nea tobatúpamai inta motaau baḻíon dodoyonan pohukuman kon i-Nia dapot in matoi! Akuoi in mosambokdon kon i-Nia, bodongka pobebason in Sia.”

LUKAS 23:22 Iomraidhean Croise

LUKAS 23:14

bodongka noguman kon i monia, “Moiko in nodia mangoi kon intau tanaa kon inakó poḷat noguman kon intau tanaa aindon notundú kon mokopoḷangkam kon bayongan intau. Tanaa ain pinirikisaku in Sia kon tayowon monimu tontaní, táe diábí in tobatúmai in nouḻíku oaid moraat inta ná pinonapud monimu kon i-Nia.

LUKAS 23:16

Tuamai in sambokonkudon in Sia bodongka buḻian.” [

LUKAS 23:20

Ki Pilatus in moibog mopobebas kon i Yesus, tuamai in iḻibónea bui kon intau moantó kon tua.

LUKAS 23:21

Táe mosia in umuran doman momaḷú, “Popopakúdon in Sia kon kayu pinoyotaḻempang!”

LUKAS 23:23

Táe umuran doman momaḷú in mosia sinbá ki Yesus in popopakúdon kon kayu pinoyotaḻempang. Dá pangabisannea dinuduiandon i Pilatus in ibog monia tua.

LUKAS 23:4

Dá ki Pilatus in nogumandon kon imang mita itoi bo intau mita inta kon tua, “Intau tanaa in diábí kinouḻíanku kon taḷá tobatúmai inta motaau baḻíonku dodoyonan pohukuman kon i-Nia.”

PETRUS 1 1:19

táe dugúbí inta totok in momahaḷ, tuata in dugú i Kristus inta pinodugú naonda bo dugú in ki adí in domba inta diá nobogit ande diá pinaḻi-paḻían. Sia pinokuruban kon i Allah.

PETRUS 1 3:18

Sin ki Kristus tontaní in tongábí doman komintan minatoi popisí in dosa mita intau. Tobatú intau inta diá kotaḷá; minatoi popisí in intau inta kotaḷá. Ki Kristus in nogaid kon tua sinbá kita in motaau-Nea diaan mayá kon i Allah. Sia in iḻimod kon kaadaan saḷaku intau, táe biniag bui kon bonu in Roho.