LUKAS 23:2 - Alkitab Singog In Mongondow Masa In Tanaa

² Kon tua in mosia mulaidon bo moponapud in tosingogon diá totuu kon i-Nia. Mosia in noguman, “Kinokadapatandon nami intau tanaa in notundú kon diá totuu kon intau moantó. Bo bayongan intau in daiton-Nea pongaruon sinbá doí moguboḻi kon pajak kon i Kaisar, sin kai-Nia Sia in tobatú Datu Mopoposaḷamat.”

LUKAS 23:2 Iomraidhean Croise

DATU MITA IMITÁNEA 18:17

Kon dodai in ki Ahab nokoontong kon i Elia, ki Ahab nomaḷú, “Naa in sia mononuyayow kon i Israel!”

MAZMUR 35:11

Sakusi mita inta moraat in sinimindog noḷawang kon inakó, bo noponapud kon akuoi in nogaid kon inta diá kinotaauanku.

MAZMUR 62:4

Modapot in toonu in moiko komintan in moibog monubu kon intau inta nádon onda bo dinding noendeg bo dinding inta ain moumpag?

YEREMIA 20:10

Kodongogan in intau moyogombong kon bayongan in tampat, “Ondok in mongawasa! Igai pongaduon in sia kon i inta nongawasa!” Nodapotbí in bayongan in topotakinku modagin mogoḷat mako kon koḷabúanku. Guman monia, “Degá pongin dondouḷug, kotaḷowan in sia, sinbá motaaudon in kita motuḻí kon yaat in gina kon inia.”

YEREMIA 38:4

Dá minayádon in pojabat mita tatua kon i datu bo noguman, “Intau tanaa in mustibí hukumon matoi. Sin pongin singognea natua sia in mokoinggamá kon ibog in bayongan tontara bo intau ibanea inta nogutunpa kon kotá tanaa. Sia in diábí motuḷung kon rayat, táe mopoboditobí kon i monia.”

AMOS 7:10

Ki Amazia, imang kon Betel, nokidia in lapuran tanaa kon i Yerobeam datu in Israel, “Ki Amos in koyogot noyopakat in rayat monayow kon i Tuang datu. Tosingogonnea mita inta monundud kon patú in rayat in mokopopisí kon butá tanaa in morimumud.

ZAKHARIA 11:8

Toḷu in gombala inta doí kon inakó nokoinggamá kon sabarku. Mosia in pinoguntunku kon bonu in tongobuḷan monag.

MATIUS 17:27

Táe bá kita in diá mobaḻí ḷonggai kon i monia, dá bayádon bo pongail kon danow. Onda in toyá inta moaḷapmu muna, domokdon bo buká in bibignea dá mouḻímu in doit opat nodirham kon bonunea. Gamá in doit tatua bo uboḻiaidon in pajak natonda kon Baḷoi Tuhan.”

MATIUS 22:21

Mosia notubag, “Gambar bo pais i Kaisar.” Dá ki Yesus in noguman kon i monia, “Ogoidon kon i Kaisar onu inta musti ogoi monimu kon i Kaisar, bo ogoi kon i Allah inta musti ogoi monimu kon i Allah.”

MATIUS 27:11

Wakutu in ki Yesus dinia kon tayowon i gubernur. Ki gubernur noḻibó kon i-Nia, “Degá Iko Datu intau Yahudi?” Ki Yesus notubag, “Ikodon tontaní in noguman kon tua.”

MARKUS 12:17

“Dá aka natua,” kai Yesus, “ogoi kon i Kaisar onu in nobaḻí kapunyaan i Kaisar, bo ogoi kon i Allah onu in kapunyaan i Allah.” Mosia in nongoherang nokodongog kon singog-Nea tatua.

MARKUS 15:2

Ki Pilatus in noḻibó kon i Yesus, “Totuu degá kon Iko nion Datu Intau in Yahudi?” Ki Yesus in notubag, “Natua in gumanmu.”

LUKAS 23:14

bodongka noguman kon i monia, “Moiko in nodia mangoi kon intau tanaa kon inakó poḷat noguman kon intau tanaa aindon notundú kon mokopoḷangkam kon bayongan intau. Tanaa ain pinirikisaku in Sia kon tayowon monimu tontaní, táe diábí in tobatúmai in nouḻíku oaid moraat inta ná pinonapud monimu kon i-Nia.

LUKAS 23:5

Táe tantú domandon monia ḷongasion kon bá hukumon in Sia, mosia in noguman, “Totundú-Nea mita totok in mokopongaru kon bayongan intau in Yudea. Pinangkoipamai kon Galilea bo tanaa nodapotdon kon naa.”

YOHANES 18:29

Manangka intua ki Pilatus in iḷumuai nokipodungkuḷ kon i monia bo noḻibó, “Nongonu sin diniabí monimu mangoi in intau tanaa?”

YOHANES 18:30

Mosia in notubag, “Aka Sia diá kotaḷá, dá tantú diábí dinia mangoi nami kon i Gubernur.”

YOHANES 19:12

Nokodongogmai kon natua in ki Pilatus, totokdon ramujionnea pobebason in ki Yesus. Táe intau mita in Yahudi totokdon momaḷú in moguman, “Aka ki Tuang mopobebas kon i Nia, yo ki Tuang in deeman yobayat i Kaisar!”

OUMAN IN RASUL MITA 24:13

Bo mosia in diábí doman motaau mobogoi in bukti kon onu inta ilapur monia kon i Tuang soaḷ inta pinonapud monia kon inakó tua.

OUMAN IN RASUL MITA 24:5

Aindon kinokadapatan nami kon intau tanaa mongongacaubí inta mokobahaya. Sin kon ondakabí in bayáannea, sia in umuran mokopomuká kon ropatoi kon sigad in intau Yahudi. Sia naa in nobaḻídon itoi intau in Nazaret.

SURAT I PAULUS KON JAMAAT RUM 13:7

Dá uboḻiaidon kon pomarenta onu in musti uboḻianmu kon inia. Uboḻiai in pajak, aka mustibí in iko moguboḻi kon pajak; bo uboḻiaidon in bea, aka mustibí uboḻianmu intua. Hargaaibí in mosia inta patus hargaan, bo horomatbí i mosia inta musti horomaton.