LUKAS 23:14 - Alkitab Singog In Mongondow Masa In Tanaa

¹⁴ bodongka noguman kon i monia, “Moiko in nodia mangoi kon intau tanaa kon inakó poḷat noguman kon intau tanaa aindon notundú kon mokopoḷangkam kon bayongan intau. Tanaa ain pinirikisaku in Sia kon tayowon monimu tontaní, táe diábí in tobatúmai in nouḻíku oaid moraat inta ná pinonapud monimu kon i-Nia.

LUKAS 23:14 Iomraidhean Croise

DANIEL 6:4

Bo noniata magí oaidan i Daniel in mopia-pia nongkon pogogaid in gubernur mita bo pongawas mita ibanea. Tuamai in ibogon i datu sia duíon mobaḻí pongawasa kon sinangkub in dodatuan.

MATIUS 27:19

Wakutu in ki Pilatus ḻimitúpa mako kon baḷoi pongadilan, ki buḷoinea nongoyow kon inia, “Donaai iko dumugang kon pelekara in intau mopia tanion, sin lantaran Sia yo akuoi in sinumogoindop kon diá mopia in kogobíi.”

MATIUS 27:24

Naonda in kinotaauan i Pilatus kon diádon sia mokobayow kon i monia tua, nodapot in momangkoidon mokacau totok, dá sia in nogamá kon tubig bo nonomok kon tayowon in intau moantó bo noguman, “Diábí in taḷáku kon dugú in intau tanaa! Tua in urusanbí monimu tontaní!”

MATIUS 27:4

Bo noguman, “Binaradosadon in akuoi sin noposarakan in dugú in intau inta diá kotaḷá!” Táe mosia notubag, “Deemanbí urusan nami intua? Tua in urusanmubí tontaní!”

MATIUS 27:54

Itoi in tontara takin prajurit-Nea inta noḷukad kon i Yesus noondokdon totok naonda in nokoontong kon ḻinug bo onu inta aindon nobaḻí tatua, bo mosia nosingog, “Totuubí, kon Sia naa in ki Adíbí i Allah!”

OUMAN IN RASUL MITA 13:28

Umpaka diá kinouḻían monia kon taḷá inta motaau baḻíon monia dodoyonan pohukuman kon i-Nia modapot in matoi, táe pinakisabí doman monia pinoki ḻimod kon i Pilatus in Sia.

OUMAN IN RASUL MITA 17:11

Intau mita in Yahudi kon Berea mopia-pia nongkon intau mita in Yahudi kon Tesalonika. Takin sanang gina mosia in mokidongog kon habar soaḷ ki Yesus, bo pomuḷoi in singgai mosia inumuran mobaca kon Buk Motusi sin monarukira mongo totuu in sinundú i Paulus kon i monia tua.

IBRANI 7:26

Dá ki Yesusbí tua in Imang Moḷoben inta paraḷuon naton. Sia tua in nodaritbí kon bayongan in yagi-yagi, diábí in taḷá andeka dosa onukadon kon i-Nia. Sia in pinotondí nongkon intau mita inta dinosa, bo dinia pinoonik in tampat inta moḷantu-ḷantud nongkon ḷangit.