LUKAS 22:62 - Alkitab Singog In Mongondow Masa In Tanaa

⁶² Bo iḷumuaidon in ki Petrus nongkon tua bo nongombaḷ mopoina-inak.

LUKAS 22:62 Iomraidhean Croise

MAZMUR 38:18

Akuoi in gogió bo moumpag, umuranbí mokorasa kon monakit.

YEREMIA 31:18

Dinongog-Ku umat in Israel noguman takin robonoḷ in gina, ‘O Tuhan, kami naa in naonda bo biag inta diápa iyonok táe sinundú-Mu in kami sinbá motoindudui, bo tanaa kami in nosadiadon mobui mangoi kon ini-Mu. Dá, diádon in kami mobui, o Tuhan, Allah nami.

YEHEZKIEL 7:16

Tongosilai in kotaḻibanbí bo moḷagui mayá in buḷud. Kon tua mosia in nádon onda bo ḷagapan mita paḷoma inta binuntun nongkon ḷopá mita; komintanbí mogongot popisí in dosa mita monia.

ZAKHARIA 12:10

Onda intua buí i Daud takin intau mita inta nogutun kon Yerusalem ogoian-Kudon in gina inta kototabi bo moibog mosambayang. Mosia in imindoibí kon inia inta ain sinumbuk monia bo ombaḷan monia naonda bo intau mongombaḷ kon kinopatoian i adínea tuḷong. Mosia in mongombaḷbí imibo-ibog, naonda bo intau inta ain kinobuḻian i adínea guya-guyang.

MATIUS 26:75

Bo kinotoropandon i Petrus onu inta ain pinoguman i Yesus kon inia, “Wakutu in manuk diápa mokukú iko in kotoḷudon nomayow kon deeman murí-Ku.” Bo iḷumuai in sia, bo nongombaḷ sin norobonoḷ totok in ginanea.

MATIUS 5:4

Pia in kamang in intau inta nokuyang in gina, sin mosia tua iropotanbí in ginanea!

MARKUS 14:72

Kon dodaipa doman tuata manuk nokukú kon induanea. Bo kinotoropandon i Petrus kon munadon pinoguman i Yesus kon inia, “Kon diápa mokukú in manuk kon induanea, koyongandon kotoḷu in sia nomayow deeman murí.” Bo nongombaḷ mopoina-inak in ki Petrus.

LUKAS 22:61

Ki Yesus baḷú nobobui kon i Petrus dá baḷú bo doman kinotoropannea in onu inta ain pinoguman i Yesus kon inia nanaa, “Kon wakutu in diápa mokukú in manuk singgai naa, iko aindon koyongan kotoḷu momayow kon iko in deemanbí murí-Ku.”

LUKAS 22:63

Intau mita inta noḷukad kon i Yesus nopoyambá kon i-Nia bo poḷat nomongkug.

KORINTUS 1 10:12

Bo intau inta monganggap moropot in sia, musti mokopopia; dika bo moḷabú.