LUKAS 22:61 - Alkitab Singog In Mongondow Masa In Tanaa

⁶¹ Ki Yesus baḷú nobobui kon i Petrus dá baḷú bo doman kinotoropannea in onu inta ain pinoguman i Yesus kon inia nanaa, “Kon wakutu in diápa mokukú in manuk singgai naa, iko aindon koyongan kotoḷu momayow kon iko in deemanbí murí-Ku.”

LUKAS 22:61 Iomraidhean Croise

AYUB 33:27

Dá kon tayowon in intau moantó sia in moguman, ‘Inta moraat inanggapku mopia, moḷobenbí in dosaku, tongá ki Allah in diábí nohukum kon inakó.’

YEHEZKIEL 16:63

Ampungan-Kubí in bayongan in taḷámu, táe diábí koḻionganmu intua bo angoianbí in oyá in moguman kon onu bo onu in iko. Akuoi ki Tuhan Inta Totok in moḷantud ain nosingog.”

HOSEA 11:8

Ki Tuhan in noguman, “Ei Israel, diábí doman inta pomayá-Ku mako in iko andeka taḷaan-Ku mako natua. Degá iko in yopúon-Ku naonda bo Adma? Andeka pomiaan-Ku naonda bo Zeboim? Gina-Ku in diábí modapot in mogaid kon natua, sin tabi-Ku in moḷoben totok kon inimu!

MATIUS 26:34

Ki Yesus in noguman kon inia, “Poguman-Kudon kon inimu, doḷom naa kon wakutu in manuk diápa mokukú, yo iko in koyongandon kotoḷu momayow kon deemanbí murí-Ku.”

MATIUS 26:75

Bo kinotoropandon i Petrus onu inta ain pinoguman i Yesus kon inia, “Wakutu in manuk diápa mokukú iko in kotoḷudon nomayow kon deeman murí-Ku.” Bo iḷumuai in sia, bo nongombaḷ sin norobonoḷ totok in ginanea.

MARKUS 5:30

Táe kon dodai doman tatuata kinorasaan i Yesus kon oyúon in ropot iḷumuai nongkon i-Nia. Dá Sia in nobobui kon intau mobarong tatua bo noḻibó, “Ki ine in noḻiai kon jubah-Ku?”

LUKAS 10:41

Táe ki Tuhan in noguman, “Marta, Marta! Iko naa in totokbí mohawatir bo mopoyoyiga in awakmu tontaní bo tongá umuran morai kon bayongan rupa-rupa.

LUKAS 22:34

Dá ki Yesus in noguman, “Pirisayadon in singog-Ku Petrus! Diápa mokukú in manuk in singgai naa, iko in koyongandon kotoḷu in nomayow kon deemanbí murí-Ku.”

LUKAS 22:60

Táe ki Petrus in notubag doman nanaa, “Diábí kinomangaḻeanku in makusud in singogmu tanion!” Bo kon dodaipa doman tatua, kon wakutu in ki Petrus yogot nosingog kon tua, dinongogmai manuk in nokukúdon.

LUKAS 22:62

Bo iḷumuaidon in ki Petrus nongkon tua bo nongombaḷ mopoina-inak.

LUKAS 7:13

Naonda in ki Yesus nokoontong kon boba-bobay tatua noḻiai in ginanea sin tabi-Nea. Dá Sia in noguman nanaa, “Donaaidon mongombaḷ!”

LUKAS 7:19

bodongka pinotabánea mayá moḻibó kon i Yesus, “Ki Tuangdon degá inta pinodandi mamangoi tua, andeka mogoḷatpa in kami kon intau ibanea?”

YOHANES 13:38

Ki Yesus in notubag, “Totuu iko in morela in matoi sin kopontingan-Ku? Pokotaaudon Petrus! Diápa in manuk mokukú, iko in koyongandon kotoḷu moguman, kon diábí nokanalmu in Akuoi!”

OUMAN IN RASUL MITA 5:31

Ki Yesusbí tua inta ain inogoian ḷoḻitúan bo kawasa moḷantud saḷaku Itoi bo Mopoposaḷamat, sinbá intau in Israel ogoian in wakutu mogogai in mogaid kon dosa, bá ampungan in mosia.

EPESUS 2:11

Utatku mita inta deeman intau in Yahudi! Toropka in kaadaan monimu koḻipod: Moiko in sinangoi “intau diá sinunat”. Tua in pinonangoi intau in Yahudi inta sinumangoi sinunat (makusudnea, ain nokouḻí kon tanda inta inaidan intau kon awak monia).

WAHYU 2:5

Tuamai, torop kon totuudon moyayú in kinoḷabúan monimu! Dá pogogaidon in mogaid kon dosa mita bo aidaidon in onu inta inaidan monimu muna. Aka diá, yo angoion-Kudon rabuton sioḷ in togámu tua nongkon tampatnea.