LUKAS 22:52 - Alkitab Singog In Mongondow Masa In Tanaa

⁵² Onda intua, ki Yesus in noguman kon imang mita itoi bo tontara mita inta moḷoḷukad kon Baḷoi Tuhan, takin itoi mita in Yahudi inta namangoi kon i-Nia sin modomok, kai-Nia, “Degá kai monimu kamai Akuoi naa in intaubí moraat, sin moiko in sidiabí mita in pitow bo bobobak in mamangoi modomok kon i-Nakó?

LUKAS 22:52 Iomraidhean Croise

DATU MITA 2 11:15

Diá inogoi i Yoyada in ki Atalya ḻimodon kon diugmai in Baḷoi Tuhan, dá noguman in sia kon porwira mita, “Diadon in sia ḷumuai pongin pipidan in moḷoḷukad bo ḻimod in ki inekabí inta moḷongasi moposaḷamat kon inia.”

MATIUS 26:47

Wakutu in ki Yesus yogotpa noyosingog, ki Yudas, tobatú murí-Nea in namangoidon noyotakin in intau mobayong inta kodia-dia in pitow. Bo bobobak, tua komintan in pinoki dia in imang mita itoi bo guhanga in ḻipú intau Yahudi.

MATIUS 26:55

Wakutu intua ki Yesus nosingog kon intau moantó inta namangoi nodomok kon i-Nia, “Irai monimu degá Akuoi naa mononakowbí sahingga in moiko mamangoi kodia-dia in pitow bo bobobak bo modomok kon i-Nakó? Pomuḷoi in singgai Akuoi in ḻimitú mako kon Baḷoi Tuhan, bo motundú kon tua táe diábí dinomok monimu!

LUKAS 22:37

Sin pirisayadon in tontagá kon Buk Motusi inta noguman nanaa, ‘Sia in inanggap naonda bo intau moraat,’ mustibí mobaḻí kon i-Nakó. Sin onu inta pinais kon Buk Motusi soaḷ Akuoi, koyogot bidon mobaḻí in tanaa mako.”

LUKAS 22:4

Dá minayá in sia bo noyosingog takin imang mita itoi bo intau mita inta moḷoḷukad kon Baḷoi Tuhan. Sia nongonguman kon soaḷ naonda in daya moposarakan kon i Yesus kon i monia.

LUKAS 22:51

Táe ki Yesus in noguman, “Donaaidon!” Bo kinadaian-Neadon in bongoḷan in intau tatua bo inundaman.

LUKAS 22:53

Pomuḷoi in singgai Akuoi umuran kon yua-yuak monimu kon bonu in Baḷoi Tuhan, táe diábí domokon monimu. Táe naa in wakutudon monimu sin kinawasadon in Ibilis in moiko.”

YOHANES 17:12

Wakutu in Akuoi koyota-yotakinpa monia, Akuoi ain noḷukad kon i monia takin kawasa in tangoi i Amá, tangoi inta inogoi i Amá kon i-Nakó. Iḷukadan-Kudon in mosia bo diábí in tobatúmai nobaḻí kon sigad monia tua, koḻikudbí in sia inta ain sinantú kon mobuḻi; sinbá mobaḻídon onu inta ain pinais kon Buk Motusi.

OUMAN IN RASUL MITA 5:26

Dá bui bo binayá ginamá in itoi mita inta moḷoḷukad kon Baḷoi Tuhan bo in intaunea mita in mosia. Táe ki pia-piabímai in mosia in nodia kon i monia, sin moondok kon intau moantó kon tua sin dikabo ara bo monia.