LUKAS 22:35 - Alkitab Singog In Mongondow Masa In Tanaa

³⁵ Nopaḷut mako nosingog kon tua, Sia in noguman kon i monia, “Tungkuḷ in pinotabá-Ku in moiko bo diá-Ku inogoi nodia kon dompet, botutu andeka sapatu, yo degá nokoimontanmai in moiko in kinodaitan in onu bo onu?” “Dia!” tubag monia.

LUKAS 22:35 Iomraidhean Croise

KINOBAḺIAN 48:15

Nopaḷut mako kon tua binarakatannea in ki Yusup, gumannea, “Ki Allah, Sia tuata in ki Tuhan, inta sinumba i Abraham bo i Ishak, Sia tuata inta nokapit kon inakó dapot in tanaa mako;

DATU MITA IMITÁNEA 11:22

“Eta nongonu uḻe?” ki datu noḻibó. “Eta onupa degá in diá in kon inimu, moiyaput in moibogpa in iko mobui kon butámu?” “Diábí in diá in kon inakó,” tubag i Hadad, “táe pomayápa mako in akuoi mayá.” Dá nobuidon in sia kon butánea tontaní.

MAZMUR 23:1

Mazmur i Daud. Ki Tuhan in gombalaku, diábí in diá kon inakó.

MAZMUR 37:3

Popirisayadon kon i Tuhan, bo aidaidon in inta mopia, pogutundon kon butá tatua bo kotoḷutuidon.

LUKAS 10:4

Bo donaai modia kon pundi andeka baḷun andeka aip in sioḷ. Dika mogogai kon yuak in daḷan bo mobogoi in horomat kon i inekadon.

LUKAS 22:34

Dá ki Yesus in noguman, “Pirisayadon in singog-Ku Petrus! Diápa mokukú in manuk in singgai naa, iko in koyongandon kotoḷu in nomayow kon deemanbí murí-Ku.”

LUKAS 22:36

Dá ki Yesus in noguman, “Yo tanaa mako in poguman-Ku, ki ine in kodompet andeka kobotutu yo mustibí dia; bo ki ine in diá kopitow, yo mustibí in sia mopotaḷui in jubahnea sin potaḷui kon pitow.

LUKAS 9:3

Naa in koyow-Nea kon i monia, “Donaaibí modia kon onu bo onu in kon binayáan. Dika doman modia kon tungkud andeka baḷun, kaanon andeka doit, andeka ḷambung pomaḷuian.

KORINTUS 2 8:15

Sin kon Buk Motusi ain pinais nanaa, “Intau inta mosipun kon mobarong, diábí doman moiḻiu, bo intau inta mosipun kon topiḻik, diábí doman inta kodaitan.”

ULANGAN 8:16

Kon padang gurun Sia nobogoi in manna kaanonmu, kokaanon inta diábí kinotaauan in mogoguyangmu. Inaidan i Tuhan intua sin monungkuḷ kon i monimu bo motundú sinbá mokopoompá kon gina, bá kon buitnea Sia mopoaid in mopia kon i monimu.