LUKAS 22:34 - Alkitab Singog In Mongondow Masa In Tanaa

³⁴ Dá ki Yesus in noguman, “Pirisayadon in singog-Ku Petrus! Diápa mokukú in manuk in singgai naa, iko in koyongandon kotoḷu in nomayow kon deemanbí murí-Ku.”

LUKAS 22:34 Iomraidhean Croise

MATIUS 26:34

Ki Yesus in noguman kon inia, “Poguman-Kudon kon inimu, doḷom naa kon wakutu in manuk diápa mokukú, yo iko in koyongandon kotoḷu momayow kon deemanbí murí-Ku.”

MATIUS 26:74

Dá nomangkoidon in ki Petrus nongutuk bo nongibot, kainia, “Diábí kinotaauanku in Intau tatua!” Bo kon dodaipa doman tatua manuk nokukú.

MARKUS 14:30

“Pokotorop Petrus,” guman i Yesus, “doḷom doman naa, wakutu in manuk diápa mokukú kodua, yo koyongandon kotoḷu in iko moguman kon deemanbí murí-Ku.”

LUKAS 22:33

Táe ki Petrus in notubag kon i Yesus, “Tuhan, akuoi in diábí moondok in tumuot kon ponjara andeka matoi moyotakin i Tuhan!”

LUKAS 22:35

Nopaḷut mako nosingog kon tua, Sia in noguman kon i monia, “Tungkuḷ in pinotabá-Ku in moiko bo diá-Ku inogoi nodia kon dompet, botutu andeka sapatu, yo degá nokoimontanmai in moiko in kinodaitan in onu bo onu?” “Dia!” tubag monia.

LUKAS 22:61

Ki Yesus baḷú nobobui kon i Petrus dá baḷú bo doman kinotoropannea in onu inta ain pinoguman i Yesus kon inia nanaa, “Kon wakutu in diápa mokukú in manuk singgai naa, iko aindon koyongan kotoḷu momayow kon iko in deemanbí murí-Ku.”

YOHANES 13:38

Ki Yesus in notubag, “Totuu iko in morela in matoi sin kopontingan-Ku? Pokotaaudon Petrus! Diápa in manuk mokukú, iko in koyongandon kotoḷu moguman, kon diábí nokanalmu in Akuoi!”

YOHANES 18:27

Bo ki Petrus in buipa doman nomayow, “Diábí,” – bo kon dodaipa doman intua manuk nokukú.