LUKAS 22:33 - Alkitab Singog In Mongondow Masa In Tanaa

³³ Táe ki Petrus in notubag kon i Yesus, “Tuhan, akuoi in diábí moondok in tumuot kon ponjara andeka matoi moyotakin i Tuhan!”

LUKAS 22:33 Iomraidhean Croise

AMSAL 28:26

Ki ine in mopongata in raiannea tontaní, diábí koraian mopia. Ki ine in dumudui kon totundú in intau mobijaksana mosaḷamatbí.

YEREMIA 10:23

Tuhan, kinotaauanku kon diábí tobatúmai in intau in mokawasa monantú kon ukurnea andeka monantú kon daḷan kobiagannea.

YEREMIA 17:9

Gina in intau diábí kodoḷopan, moiḻiu in licik nongkon bayongan yagi-yagi bo totuu mobogat in takitnea.

MATIUS 20:22

Táe ki Yesus in notubag kon i-Nia, “Diábí kinotaauan monimu, onu in inigum monimu. Degá mokosanggup in moiko in monginum kon palo in roriga inta musti inumon-Ku?” Dá mosia in notubag kon i-Nia, “Mokosanggup in kami”.

MARKUS 14:29

Dá ki Petrus in nosingog, “Diá ah, biarbí taḷaanmai monia in ki Amá, táe akuoi in doíbí monaḷámai.”

MARKUS 14:31

Ki Petrus in nosingog noropot, “Biarbí akuoi matoi moyotakin i Amá, táe diábí mokoimontanmai in akuoi in moguman kon diá nokanalku in ki Amá!” Bo murí-Nea mita ibanea in noguman doman natua.

LUKAS 22:34

Dá ki Yesus in noguman, “Pirisayadon in singog-Ku Petrus! Diápa mokukú in manuk in singgai naa, iko in koyongandon kotoḷu in nomayow kon deemanbí murí-Ku.”

LUKAS 22:57

Táe binayowan i Petrus kainia, “Beresibí diá nokanalku in intau tatua!”

YOHANES 13:38

Ki Yesus in notubag, “Totuu iko in morela in matoi sin kopontingan-Ku? Pokotaaudon Petrus! Diápa in manuk mokukú, iko in koyongandon kotoḷu moguman, kon diábí nokanalmu in Akuoi!”

OUMAN IN RASUL MITA 21:13

Táe ki Paulus in noguman kon i monia, “Nongonu sin mongombaḷbí in moiko naníon, bá kotaauan monimu kon ombaḷ monimu nion totokbí in mokororiga kon ginaku! Akuoi in diá bidon moondok, deemanbí tongá togoton, umpakabí modapot in matoi kon Yerusalem sin mopotaau in Habar Mopia nongkon i Tuhan.”