LUKAS 22:2 - Alkitab Singog In Mongondow Masa In Tanaa

² Imang mita itoi bo mototundú mita kon agama norai mongo naonda in poḷoḻimod monia kon i Yesus, táe umuni-uni sin moondok kon intau moantó.

LUKAS 22:2 Iomraidhean Croise

MATIUS 12:14

Bo intau mita in Parisi iḷumuai komintan bo noyopakatdon kon moḻimod kon i Yesus.

MATIUS 21:38

Táe naonda inontong in mototomoyó mita tatua in ki adínea tatua, mosia noguman, ‘Sia naa inta mowaris kon gobá tanaa, maní bo ḻimodon naton sia, sinbá gobá tanaa moiḷabúdon kon i naton!’

MATIUS 26:2

“Kinotaauan monimu kon doyowapa nosinggai porayaan kon singgai moḷoben Paska, dá kon wakutudon tua Adí Intau posarakan sin popopakú kon kayu pinoyotaḻempang!”

MARKUS 14:1

Singgai moḷoben Paska bo Poramean kon Singgai in Roti Diá Koragi dongkadon doyowa nosinggai. Imang mita itoi bo mototundú mita kon agama umurandon motayak kon daya naonda in pododomok kon i Yesus bo ḻimodon, táe umuni-uni.

LUKAS 20:19

Mototundú mita kon agama bo imang mita itoi in nonotaaudon kon poumpamaan-Nea tatua in pinomakusud-Neabí kon i monia, dá ḷongasiondon monia domokon in Sia kon dodai intua. Táe mosia in moondok kon intau mobayong tatua.

YOHANES 11:57

Mosia in noguman natua sin imang mita itoi bo intau mita in Parisi ain nopoḷuai in parenta kon ki ine in nokotaau kon onda in Yesus, musti mopotaau sinbá Sia in kodomokan.

OUMAN IN RASUL MITA 4:27

Sin totuubí kon ki Herodes bo ki Pontius Pilatus aindon noyosipun kon kotá tanaa takin intau mita inta diá nonotaau kon i Tuhan bo intau mita in Israel sin moḷawang kon i Yesus, simpaḷ-Mu inta ain piniḻí-Mu bo inta kinoibog-Mu.