LUKAS 22:12 - Alkitab Singog In Mongondow Masa In Tanaa

¹² Yo tundúonbí i togi baḷoi tatua kon i namunda in tobatú yuang moḷoben kon ḻimonik. Kon tua aindon notouḷutdon in pakakatnea mita, dá sadiadon kon tua.”

LUKAS 22:12 Iomraidhean Croise

LUKAS 22:11

bo pogumandon kon i togi baḷoi tatua nanaa: Ki Pak Guru in nokiḻibó kon i tuang, ‘Kon onda in tampat inta motaau-Ku pongaanan takin murí-Ku mita kon singgai in Paska naa?’

LUKAS 22:13

Onda intua minayádon in ki Petrus bo ki Yohanes. Kinobayáanmai monia komintanbí notongkai ná inta ain pinoguman i Yesus. Bo sinadiadon monia kon tua in pongaanan monia kon singgai in Paska.

YOHANES 2:25

Tuamai diá bidon paraḷu mokodongog kon tosingogon in intau ibanea, sin kinotaauan-Nea onu in kon bonu in gina intau.

YOHANES 21:17

Intoḷuneadon ki Yesus in noḻibó kon inia, “Simon adí i Yohanes, motabi degá in iko kon i-Nakó?” Moajardon totok in gina i Petrus sin ki Yesus nodapot in kotoḷu in noḻibó kon inia. Dá ki Petrus in notubag bui, “Tuhan, kinotaauanbí i Tuhan in bayongan yagi-yagi. Kinotaauanbí i Tuhan kon akuoi in motabibí kon i Tuhan!” Bo ki Yesus in noguman kon inia, “Ḷukadaidon in domba-Ku mita.

OUMAN IN RASUL MITA 1:13

Kon Yerusalem in mosia minayá in baḷoi inta pinogutunan monia. Mosia namonik in yuang inta pinongaanan monia wakutu in Singgai Moḷoben Paska. Naa in tangoi monia tua: Ki Petrus, ki Yohanes, ki Yakobus, ki Andreas, ki Pilipus, ki Tomas, ki Bartolomeus, ki Matius, ki Yakobus inta ki adí i Alpeus, ki Simon intau in Zelot bo ki Yudas adí i Yakobus;

OUMAN IN RASUL MITA 20:8

Kon bonu in yuang inta pinoyosipunan nami nobayong in togá pinoyongkit.