LUKAS 21:37 - Alkitab Singog In Mongondow Masa In Tanaa

³⁷ Aka singgai, ki Yesus in mobogoi in totundú kon bonu in Baḷoi Pososambayangan, táe aka doḷom yo sia in mayá in Buḷud Zaitun mogutun kon tua.

LUKAS 21:37 Iomraidhean Croise

ZAKHARIA 14:4

Kon singgai tatua Sia in simindogdon kon Tombuḷud in Zaitun, kon dotá in pomukaan nongkon Yerusalem. Dá Tombuḷud in Zaitun in kobotakan in ḷopá inta mobendar, pinangkoi kon pomukaan modapot in toyopan. Tongobotak in tombuḷud tatua in mopobayá ná utuan, bo tongobotak doman in mopobayá in toḷatan.

MATIUS 21:1

Naonda in ki Yesus bo murí-Nea mita nodiugdon kon Yerusalem bo noidapotdon in tampat inta sinangoi Betpage kon buḷud in Zaitun. Ki Yesus in nopotabá kon murí-Nea doyowa.

MATIUS 21:17

Bo sinaḷaan-Neamai in mosia poḷat iḷumuai nongkon kotá tatua bo minayá in Betania nosiug kon tua.

MATIUS 26:30

Nopaḷut mako, mosia nopodondong in dondong dodayow. Bo nopaḷut mako kon tua mosia in notakodon kon Buḷud in Zaitun.

MATIUS 26:55

Wakutu intua ki Yesus nosingog kon intau moantó inta namangoi nodomok kon i-Nia, “Irai monimu degá Akuoi naa mononakowbí sahingga in moiko mamangoi kodia-dia in pitow bo bobobak bo modomok kon i-Nakó? Pomuḷoi in singgai Akuoi in ḻimitú mako kon Baḷoi Tuhan, bo motundú kon tua táe diábí dinomok monimu!

MARKUS 11:12

Nopoikoḷomai kon singgai, naonda in ḷumuaidon mosia kon Betania inangoian gogoy in ki Yesus.

MARKUS 11:19

Naonda in noungkoḷomdon, ki Yesus bo murí-Nea mita iḷumuaidon kon kotá tatua.

MARKUS 14:49

Pomuḷoi in singgai Akuoi kon Baḷoi Tuhan bo motundúmai kon tayowon monimu, táe diábí domokon monimu. Táe totuu kon tua in mustibí mobaḻí, sinbá mobaḻí domandon onu inta pinais kon bonu in Buk Motusi.”

LUKAS 19:29

Naonda in nodiugdon kon Betpage bo Betania kon Buḷud in Zaitun, Sia in nopotabá kon murí-Nea doyowa mayá umuna takin koyow nanaa,

LUKAS 19:37

Naonda in ki Yesus nodiugdon kon Yerusalem, kon daḷan inta mosiḻig kon Buḷud in Zaitun, komintan dumodudui-Nea inta mobarong tua, kopiadon momaḷú modayow kon i Allah bo mopoyaput in singog sukur kon i-Nia, sin mosia aindon nokoontong kon inta mokoherang inaidan-Nea.

LUKAS 19:47

Pomuḷoi in singgai Sia mayá mobogoi in totundú kon bonu in Baḷoi Tuhan. Imang mita itoi bo mototundú mita kon agama takin itoi mita intau Yahudi moibogdon moḻimod kon i-Nia,

LUKAS 22:39

Ki Yesus in iḷumuai kon kotá bo minayá in tampat inta biasamai bayáan-Nea kon buḷud in Zaitun. Murí-Nea mita minayá doman takin-Nea.

YOHANES 12:1

Onompa nosinggai kon poramean kon Singgai Moḷoben in Paska, ki Yesus in minayá in Betania. Ḻipú inta pinogutunan i Lazarus, inta ain biniag bui i Yesus nongkon kinopatoiannea.

YOHANES 18:2

Tampat tatua in kinotaauan doman i Yudas inta nomaḻidawan kon i Yesus; sin mokakitdon ki Yesus takin murí-Nea mita in moyosipun kon tampat tatua.

OUMAN IN RASUL MITA 1:12

Onda intua rasul mita tatua in nobuidon kon Yerusalem sin mosia in nongkon buḷud in Zaitun. Buḷud tatua degá toribumai nometer in koyayúnea nongkon Yerusalem.