LUKAS 21:34 - Alkitab Singog In Mongondow Masa In Tanaa

³⁴ “Ḷukadai in awakmu bo dika tongá umuran morai kon rame bo monginum kon oinumon inta mokoḷoḷangu andeka tongá umuran morai kon kobobiagmu, sahingga in aka wakutu-Nea bo daḻí moiangoi, yo diá mokopobasadia in moiko.

LUKAS 21:34 Iomraidhean Croise

KINOBAḺIAN 19:32

Koḻigai bá poinumon naton in anggur ki amá dapot in moḷoḷangu, bodongka kita mosiug takinnea sinbá kita mokouḻípa kon adí.”

KINOBAḺIAN 19:35

Natuata in pinomia monia kon i Lot, pinoinum monia dapot in noḷoḷangu, bo ki adínea induanea in nosiug takinnea. Ki Lot noḷoḷangu totok dapot in diá kinotaauannea onu in nobaḻí.

KINOBAḺIAN 27:14

Dá minayádon in ki Yakub nogamá kon bembé mita tatua bo dinianea kon i inánea, bo dinungúdon i Ribka podudui kon inta kinoibog i Ishak.

MAZMUR 35:8

Biódon mako in mosia koantugan in bodito inta diá binutu-butunganmai. Biódon mako in mosia moibonu bui kon poyogaḷap monia tontaní bo moḷabú poḷat moyopú.

AMSAL 21:4

Intau moraat tatua in binaradosa, popisí in kinawasa in dodia bo ḷoḷatúnea.

AMSAL 23:20

Dika moyobayat in intau moḷoḷangu andeka intau turá,

MOHOHUTUBA 9:12

Intau naa in diábí nonotaau mongo toonu in wakutunea mamangoi. Naonda bo ḷagapan noibaaḷ bo toyá noikarit, natua doman in intau kinotugatan in bodito kon tungkuḷ inta diá kon gina-gina mako.

YESAYA 28:7

Nabi mita doman bo imang mita in noḷoḷangu popisí in noiḻiudon bayong in anggur bo arak in ininum. Moibambodon in mosia in mayá bo moipintudon magí-mako sin notombaukdon in raian monia. Nabi mita in diádon momangaḻe kon oontongon mita inta inogoi i Allah kon i monia. Imang mita diádon motaau mopoyotutui kon pelekara mita inta kon tayowon monia.

HOSEA 4:11

Ki Tuhan in noguman, “Ei umat-Ku, pinomayá anggur noonggot andeka anggur nobagu nonginggamádon kon pandoimu morai motoratakmai.

IMAMAT 10:9

“Naonda in mopaḷut mako monginum kon anggur ande oinumon mokoḷoḷangu, iko bo ki adímu mita in diábí motaau in tumuot kon bonu in Ḷoḷaigan-Ku. Aka moiko ḻimimpat kon atorang tatua, yo matoi. Atorang tatua musti duduian in bayongan buímu.

MATIUS 13:22

Bibit inta noḷabú kon yua-yuak in díat, tua in mangaḻenea, intau inta nokodongog kon Pirman tatua tongá mohawatir kon kapunyaan kon dunia naa bo moibog mobiag mooyúon. Ibog monia kon in dunia tua in monisí kon Pirman tatua, dá diá momungai.

MARKUS 13:9

Musti mokopoingat in moiko sin domokon bo pokisidang kon mahkama agama. Moiko in bongkugon kon baḷoi mita pososambayangan. Diaan in moiko potayow kon mongongawasa mita bo datu popisí in moiko in murí-Ku mita. Bo tuata in kasampatan monimu mongonguman kon i monia soaḷ Akuoi.

MARKUS 4:19

táe mohawatir kon soaḷ kobobiag monia bo moibog mooyúon totok. Ibog monia kon bayongan yagi-yagi in tumuot doman kon gina monia. Tuamai in habar nongkon i Allah inta kon bonu in gina monia sisionnea sahingga diá momungai.

LUKAS 10:41

Táe ki Tuhan in noguman, “Marta, Marta! Iko naa in totokbí mohawatir bo mopoyoyiga in awakmu tontaní bo tongá umuran morai kon bayongan rupa-rupa.

LUKAS 12:40

Tuamai in moiko in umuran doman kisadi-sadiamai, sin ki Adí Intau in mamangoi doman kon wakutu inta diá kotaauan monimu.”

LUKAS 17:3

Tuamai, mokopoingatdon! Aka ki utatmu bo mogaid kon noitaḷá, yo toboḷow. Aka sia bo moibog mokidongog, yo ampungai.

LUKAS 21:35

Sin singgai tatua in moiangoi naonda bo poyogaḷap kon bayongan in intau kon dunia naa.

LUKAS 21:8

Ki Yesus in noguman, “Mokopoingatdon, sinbá moiko in diá koakaḷan. Moantó in intau in mamangoi momaké in tangoi-Ku bo moguman, ‘Akuoi in Sia!’ bo ‘Wakutuneadon.’ Táe dikabí indongogan monimu in mosia.

LUKAS 8:14

Bibit inta noḷabú kon yua-yuak in díat, tua in ibarat intau inta ain nokidongog kon Pirman, tongá gina monia umuran sinisí in kapunyaan inta inanggap monia mokosanang kon kobiagan monia kon dunia naa, sahingga diá notuoi in bungainea.

KORINTUS 1 5:11

Makusudku in dikadon moiko moyobayat i intau inta nopirisayadon kon i Kristus, táe umuranpa moibog mogaid kon inta mokotor, bo moturá ande moibo-ibog dumudui kon parenta in berhala, bo inta umuran moibog moporomu-romúmai kon tangoi intau ibanea, bo umuran doman monginum kon inta mokoḷoḷangu bo monakow. Modapot in mongaan moyotakin monia tua yo dikabí!

KORINTUS 1 6:10

mononakow, motamaa, inta moibo-ibog monginum kon inta mokoḷoḷangu, inta moibog moporomúmai kon tangoi intau, bo inta tongá moharap mako kon totayak in intau ibanea – mosia tua in diábí motaau mobaḻí umat i Allah.

GALATIA 5:20

Mosia in moibog mosumba kon ilah mita ibanea, mongonggaing, moibog mosisaturuan, moibog moropatoi, mointoi kon intau ibanea, ḷagi tumorú, bo tongá morai kon kopontingan tontaní, momoguyaat kon jamaat; bo moibog mopoyoposi kon inta,

ULANGAN 29:19

Kon sigad monimu inta nokodongog kon tuntutan inta bo motogat tatua yo donaaidon oyúon in morai kon nasibnea tua in umuran tantú mopia, umpakabí in sia tumontogat dumudui kon daḷannea tontaní. Soaḷ tatua in mokoyopú kon i monimu komintan, intau mita inta moraat ande inta mopia.

PILIPI 4:6

Donaai moḻia-ḻiaw in ginamu kon bayongan yagi-yagi. Onukabí in aidanmu umuran posambayang bo pogumandon kon i Allah onu in igumonmu. Onu in paraḷumu umurandon potaau kon i Allah bo dika mokoḻiong in mopoyaput in sukur kon i-Nia.

IBRANI 12:15

Ḷukadaibí sinbá diá tobatúmai in intau ḷumuai nongkon kobiagan inta pinodoyon kon totabi i Allah, sinbá diá in mobaḻí rasum inta mokopomuká kon ropatoi bo inta mokogoguyaat kon kobiagan intau mobayong.

PETRUS 2 3:10

Táe Singgai koangoian i Tuhan in diábí butungonmai, sin naondabí bo koangoi in mononakow. Kon singgai tatua ḷangit moyoyang takin gotup inta totok in mokoondok, bo onukadon in kon ḷangit modaitbí mopokak, natua doman in butá bo bayongan in tombonunea modait doman moinggamá.

PETRUS 2 3:14

Manangka intua, Uḻe utatku mita inta kinotabiku, wakutu in moiko mogoḷatpa mako kon koangoian in Singgai tatua, yo poramujibí totu-totuu sinbá mobiag modarit takin diábí in mokotor kon tayowon i Allah. Bo ḷukadaibí in hubungan mopia takin i Allah.

WAHYU 3:3

Tuamai in toropdon bui in onu inta ain sinundú kon i monimu koḻipod bo onu inta ain dinongog monimu. Duduiai intua bo pogogaidon in mogaid kon dosa mita. Aka moiko bo diá mobangon, yo Akuoi in mamangoi kon i monimu naonda bo mononakow; bo diábí kotaauan monimu mongo toonu in Akuoi in mamangoi.

SAMUEL 1 25:36

Naonda in ki Abigail nobui kon i Nabal, noniata magí yo oyúonbí in rame moḷoben kon baḷoinea, naonda bo rame in datu. Bo popisí in ki Nabal noḷoḷangu bo noḷunganga totok in ginanea, dá diábí pinotaau i buḷoinea kon inia nodapot in nobangon monik.