LUKAS 21:30 - Alkitab Singog In Mongondow Masa In Tanaa

³⁰ Aka tubúnea bo mulaidon ontongon, yo kotaauan bidon monimu kon diá bidon moonggot bo wakutudon in pomomunak.

LUKAS 21:30 Iomraidhean Croise

MATIUS 24:32

“Manangka intua yo indoiai in mangaḻe in totundú inta nongkon poumpamaan pangkoi in ara. Aka tanganea bo ḷumukó bo momangkoidon momoḻimping, yo kotaauan monimu kon diádon moonggot bo sempo in poninggai.

LUKAS 12:57

“Bo nongonu sin diábí kotaauan monimu in momiḻí tontaní kon inta mopia?

LUKAS 21:29

Ki Yesus in nongonguman kon poumpamaan kon i monia nanaa, “Tarukiraka in pangkoi in ara bo pangkoi ibanea mako!

KORINTUS 2 13:5

Tungkuḷaika uji in pirisaya monimu mongo totu-totuudon noidoyon kon pirisaya kon i Kristus! Taridiai kopia! Degá moiko in diápabí mopirisaya totok kon ki Kristus Yesus in oyúondon kon bonu in gina monimu! – sin aka diá natua yo moiko in diápabí monahang kon totungkuḷ.