LUKAS 21:16 - Alkitab Singog In Mongondow Masa In Tanaa

¹⁶ Moiko in posarakan in guyangamu, i utatmu, in yobayatmu mita bo in bayongandon ginaḷummu. Bo ibanea in tokoḻimodon.

LUKAS 21:16 Iomraidhean Croise

YEREMIA 12:6

Iko in pinomaḻidawandon noidapot in ki utatmu tontaní; mosia in dinumudui doman nonubu kon inimu. Dikabí mopirisaya kon i monia, umpaka mopia in singog monia.”

YEREMIA 9:4

Umpaka kon yobayat, yo kon batúan in intau musti mokopoingat bo utat inoyod yo diá doman motaau pirisayaan. Sin, ná ki Yakub yo natua doman in mosia, kon batúannea monguboḷ kon i utatnea. Batúan in intau maya-mayá mako sin moponapud in diá totuu bo uboḷ.

MATIUS 10:21

Bo nanaa in mobaḻí: Intau mita moposarakan kon i utatnea sin pokiḻimod. Aid natua in pomiaan doman in guyanga kon i adínea. Bo adí in monayowdon kon i iná bo i amánea, bo posarakannea sin ḻimodon.

MARKUS 13:12

Kon dodai intua intau moposarakanbí kon i utatnea tontaní sin ḻimodon, natua doman aidan in tobatú guyanga ḷoḷaki kon i adínea. Adí mita moḷawangdon kon i amá bo kon i inánea, bo moposarakan kon i monia sin pokiḻimod.

LUKAS 12:53

Guyanga ḷoḷaki mobobayowan i adínea ḷoḷaki andeka ki adínea ḷoḷaki mobobayowan i amánea. Ná doman tua, guyanga bobay mobobayowan i adínea bobay andeka ki adínea bobay mobobayowan i inánea. Guyá mobobayowan in mototaka bobay andeka mototaka bobay mobobayowan i guyánea.”

LUKAS 21:15

Bá kotaauan monimu kon Akuoibí in moguman kon onu inta musti potubag monimu, sahingga saturu mita monimu tua, diá mokoḷawang ande mokobayow kon onu in singogon monimu.

LUKAS 21:17

Moiko saturuon in bayongan intau sin moiko in murí-Ku.

OUMAN IN RASUL MITA 12:2

Sia in nomarenta nokiratá kon i Yakobus inta ki utat i Yohanes

OUMAN IN RASUL MITA 7:59

Koyogot monia anduron batu, ki Stepanus in nosambayang nanaa, “Tuhan Yesus, tarimadon in rohoku!”

WAHYU 12:11

Dugú i Adí in Domba bo Habar Mopia nongkon i Allah inta pinotaau monia, tua in pinaké i utat mita naton nonaḷow kon inia. Mosia in diábí moondok in matoi.

WAHYU 2:13

Kinotaauan-Kubí in pinogutunan monimu. Moiko in nogutun kon tampat inta pinomarentaan in Ibilis, táe moiko in motoinduduibí kon i-Nakó. Sedang bo wakutu in ki Antipas, sakusi-Ku inta motoindudui tua iḻimod kon tayowonmu kon tampat poyoyosipunan in Ibilis, yo moiko in umuranbí doman nongaku saḷaku intau mita inta mopirisaya kon i-Nakó.

WAHYU 6:9

Noiduduimai kon tua ki Adí in Domba tatua in nomukatdon kon meterai iḻimanea. Bo inontongku kon ḻimonag in meja pototuduan kon sosumba oyúon in dimukud mita in intau inta minatoi iḻimod sin popisí nopotaau in koyow i Allah inta ain pinirisaya monia.