LUKAS 21:12 - Alkitab Singog In Mongondow Masa In Tanaa

¹² Táe kon wakutu in diápa mobaḻí intua komintan, moiko in domokondon muna monia bo pogutúon. Moiko in diaan monia pobayá in baḷoi pososambayangan bo adilon poḷat potuoton kon ponjara. Diaan potayow kon datu bo pongawasa sin moiko in murí-Ku.

LUKAS 21:12 Iomraidhean Croise

MATIUS 22:6

bo oyúon doman in nodomok kon bobantungnea mita bo pinogutú poḷat iḻimod.

MATIUS 24:8

Tongá tua komintan in bagubí pomangkoian in roriga kon wakutu in diápa modapot in zaman inta mobagu.

LUKAS 21:11

Kon bayongan tampat mobaḻí in yagi-yagi. Ḻinug inta moropot totok, malarat moḷoben bo panyaki mita. Kon ḷangit mobaḻí in soaḷ mita inta totok in mokodoit.

YOHANES 15:20

Toropdon onu inta ain pinoguman-Ku kon i monimu, ‘Ata in diábí moḷobe-ḷoben nongkon i tuangnea.’ Dá aka mosia in nomogutúdon kon i-Nakó, yo mosia in momogutúbí doman kon i monimu. Aka mosia dumuduidon kon totundú-Ku, yo mosia in dumuduibí doman kon onu inta tundúonmu.

YOHANES 15:21

Bayongan tua in daitonbí monia popoaid kon i monimu, sin moiko in dumodudui-Ku, bo diábí kinotaauan monia in Sia inta nopotabá kon i-Nakó.

OUMAN IN RASUL MITA 22:30

Itoi in tontara Rum tatua in moibog totok monotaau mongo nongonu sin intau mita in Yahudi tatua in mopotaḷábí kon i Paulus. Tuamai nopoikoḷomai kon singgai sia in nogoiní kon imang mita itoi bo Mahkama Agama noyosipun kon tua. Onda intua ki Paulus pinoḷuaidon monia kon ponjara bo dinia kon tayowon monia tua.

OUMAN IN RASUL MITA 5:40

Dá inoinídon bui monia in rasul mita tatua, sinambok bo dinandi kon diá bidon motaau in mosia bui mopotaau in habar soaḷ ki Yesus kon intau mita kon tua. Onda intua binuḻiandon bui monia.

OUMAN IN RASUL MITA 8:3

Táe ki Saulus in totokdon moḷongasi momogutú kon jamaat mita tatua. Sia in maya-mayá mako kon baḷo-baḷoiannea bo motayak kon jamaat ḷoḷaki bo bobay inta mopirisaya kon i Tuhan sin poḷuaion kon kotá tatua bo bayáan bonuon kon ponjara.

OUMAN IN RASUL MITA 9:4

Dá noumpag in sia kon butá bo dinongognea in singog noguman nanaa kon inia, “Saulus, Saulus! Nongonu sin momogutúbí in iko kon i-Nakó?”

PETRUS 1 2:13

Popisí in mopirisaya kon i Tuhan, dá moiko in musti mokopotoindudui kon pomarenta, pinomayá kon i Kaisar inta nokadai kon kawasa inta totok moponting,

WAHYU 2:10

Dikabí moondok kon yoyiga inta diádon moonggot in musti korasaan monimu. Pokotorop, oyúon in tongonumai intau kon sigad monimu in potuoton Ibilis kon bonu in ponjara sin mosoba kon i monimu. Moiko in mokorasa kon yoyiga kon bonu in mopuḷú nosinggai. Táe kotoinduduibí tantú in moiko kon i-Nakó modapot in matoi, dá moiko ogoian-Ku in kobiagan mononoi saḷaku tombuinag sin nountungdon.