LUKAS 21:11 - Alkitab Singog In Mongondow Masa In Tanaa

¹¹ Kon bayongan tampat mobaḻí in yagi-yagi. Ḻinug inta moropot totok, malarat moḷoben bo panyaki mita. Kon ḷangit mobaḻí in soaḷ mita inta totok in mokodoit.

LUKAS 21:11 Iomraidhean Croise

AYUB 41:9

Bayongan in intau inta mokoontong kon Lewiatan, in mobaḻíbí moḻemé bo moumpag togopuḷongon.

YESAYA 29:6

Ki Tuhan Inta Totok in mokawasa mopoḷuatbí in kotá tatua pongin deḷang bo ḻinug inta motoyang totok. Sia in mopoangoibí in deḷang bo tuḷú inta tumagab.

YOËL 2:30

Kon ḷangit bo kon butá mobayong in aidan-Mu in inta mokoherang. Moḷoḻimodan, dokot in tuḷú bo kapungan in poyok.

MATIUS 24:7

Sin bangusa bo bangusa mosiparangan bo dodatuan moparang doman takin dodatuan. Moiangoi in wakutu kon bayongan intau kodaitan in kaanon bo ḻinug kon bayongan tampat.

LUKAS 21:10

Ki Yesus in noguman doman nanaa, “Bangusa tobatú moparang doman takin bangusa ibanea, bo negara tobatú mayá monubu kon negara doman ibanea.

LUKAS 21:12

Táe kon wakutu in diápa mobaḻí intua komintan, moiko in domokondon muna monia bo pogutúon. Moiko in diaan monia pobayá in baḷoi pososambayangan bo adilon poḷat potuoton kon ponjara. Diaan potayow kon datu bo pongawasa sin moiko in murí-Ku.