LUKAS 20:7 - Alkitab Singog In Mongondow Masa In Tanaa

⁷ Dá mosia notubag nanaa, “Diá kotaauan nami.”

LUKAS 20:7 Iomraidhean Croise

YESAYA 26:11

Tuhan, Iko in nogoḷatdon mohukum kon musung-Mu mita, táe diábí kinotaauan monia. Pomayádon mako mosia in mooyá in mokoontong kon tabi-Mu kon umat-Mu. Pomayádon mako modait in mosia moyopú pongin hukuman inta ain pinopooḷat-Mu mako kon i monia.

YESAYA 29:14

Tuamai in taḻikokogan-Ku in mosia in sambok inta moyo-moyodudui. Intau inta mobijaksana in mobaḻí mobodok, bo bayongan in pandoi monia diábí in mangaḻenea.”

YESAYA 41:28

Kon tungkuḷ in sinayak-Ku kon sigad in dewa mita, diá tobatúmai in motaau mobogoi in topotundú, diá in mokotubag.

YESAYA 44:18

Totuu mobodok in intau mita ná tatua! Mosia in momilog kon mata bo gina monia dá diá momangaḻe kon onu bo onu.

ZAKHARIA 11:15

Bo ki Tuhan in nogumandon kon inakó, “Pogaidon komintanpa naonda bo iko in gombala, táe kon tanaa in mobaḻí gombala inta diá mopia.

ZAKHARIA 11:17

Kinutukdon totok in gombala inta diá baraguna tatua! Sia in nonaḷámaidon kon paanan in dombanea. Parang in mogimpaḷut kon kawasanea. Kokaḷnea in moḻemédon bo mata koḷanannea in mobilogdon.”

LUKAS 20:6

Táe aka tubagan naton, ‘Nongkon intau, dá intau mita tanion mogarabbí in batu kon inaton,’ sin mosia in mopirisayabí kon ki Yohanes tua in tobatúbí nabi.”

LUKAS 20:8

Dá ki Yesus in noguman kon i monia, “Aka natua yo diá doman poguman-Ku kon i monimu mongo kawasa i ine in pinaké-Ku nogaid kon bayongan intua.”

YOHANES 9:39

Ki Yesus in noguman, “Akuoi mamangoi in dunia naa sin mohakim; sinbá intau inta bilog in mokoontongdon, bo intau inta mokoontong, mobilogdon.”

PETRUS 2 3:3

Inta musti totok kotaauan monimu in nanaabí: Kon singgai tumi mamangoi in intau mita inta kobobiag monia kinawasa ibog in awak monia tontaní. Mosia in moningkuḻe kon i monimu.