LUKAS 20:6 - Alkitab Singog In Mongondow Masa In Tanaa

⁶ Táe aka tubagan naton, ‘Nongkon intau, dá intau mita tanion mogarabbí in batu kon inaton,’ sin mosia in mopirisayabí kon ki Yohanes tua in tobatúbí nabi.”

LUKAS 20:6 Iomraidhean Croise

MATIUS 11:9

Dá degá onu mangaḻe in bayáan monimu? Moindoi degá kon nabi? Totuu! Poguman-Ku kon i monimu, sia tua in noiḻiubí kon nabi.

MATIUS 14:5

Sabanarnea ki Herodes in moibog moḻimod kon i Yohanes, táe sia in moondok kon intau moantó inta nonganggap kon ki Yohanes tua in tobatúbí nabi.

MATIUS 21:26

Tongá aka tubagan naton, ‘Nongkon intau,’ yo intau moantó tanion tumorú kon i naton sin inanggap monia in ki Yohanes tua in tobatúbí nabi.”

MATIUS 21:46

Dá ḷongasiondon monia domokon in Sia, táe mosia moondok kon intau moantó kon tua, sin inanggap in intau moantó tatua kon Sia tua in nabi.

MATIUS 26:5

“Táe,” kai monia, “donaaibí kon wakutu in porayaan, sinbá diá mokopomuká kon ropatoi kon sigad in intau mita kon tua.”

MARKUS 12:12

Dá itoi mita Yahudi inta nokodongog kon poumpamaan tatua, moḷongasidon totok modomok kon i Yesus, sin kinotaauan monia kon poumpamaan tatua pinopomakusudbí i Yesus kon i monia. Táe moondok in mosia kon intau moantó. Dá sinaḷáanmai monia in ki Yesus.

LUKAS 1:76

Bo iko, adí-Ku in tangoion nabi i Allah Inta Totok in moḷantud. Iko in pinotabá umuna kon i Tuhan sin moposadia in daḷan bayáan-Nea.

LUKAS 20:5

Dá mosia in noyosingog mongo onu in potubag, kai monia, “Aka tubagan naton nongkon i Allah, dá Sia in moḻibóbí nanaa, ‘Aka natua yo nongonu sin moiko in diábí mopirisaya kon inia?’

LUKAS 20:7

Dá mosia notubag nanaa, “Diá kotaauan nami.”

LUKAS 7:30

Táe intau mita in Parisi bo mototundú kon agama in doíbí notarima kon tomayá i Allah kon i monia. Mosia tua in doíbí binaptis i Yohanes.

YOHANES 10:41

Nobayong intau in namangoi kon i-Nia. Mosia in noguman, “Ki Yohanes in diábí nomia kon soaḷ mita inta mokoherang, táe bayongan inta pinogumannea soaḷ intau tanaa in totuubí.”

OUMAN IN RASUL MITA 5:26

Dá bui bo binayá ginamá in itoi mita inta moḷoḷukad kon Baḷoi Tuhan bo in intaunea mita in mosia. Táe ki pia-piabímai in mosia in nodia kon i monia, sin moondok kon intau moantó kon tua sin dikabo ara bo monia.