LUKAS 20:29 - Alkitab Singog In Mongondow Masa In Tanaa

²⁹ Nokoimontandon in nobaḻí kon inaya pitu mogutat inta komintan ḷoḷaki. Inta guya-guyang nobuḷoi kon tobatú bobay. Táe ḷoḷaki tatua minatoi bo diápa kogadí.

LUKAS 20:29 Iomraidhean Croise

YEREMIA 22:30

“Intau tatua ain sinantú kon kobuḻian in adínea mita bo umuran mosisí in kon kobiagannea. Nongkon buínea diábí in mokodapot kon inta mopia in kon bonu in pomarentaan kon Yohuda saḷaku datu buí i Daud. Akuoi ki Tuhan, ain nosingog.”

IMAMAT 20:20

Aka ḷoḷaki tobatú moniug kon i buḷoi pokuamáannea, yo sia in nokopoompámaidon kon pokuamáannea. Ḷoḷaki bo bobay tatua musti motanggung kon hukuman kon i monia, dapot in matoi mosia tua diá mokouḻí kon adí.

LUKAS 20:28

“Pak Guru, ki Musa in nomais kon hukum tanaa kon i naton: Aka tobatú ḷoḷaki inta ain nobuḷoi bo minatoi, táe diápa kogadí, dá ki utatnea ḷoḷaki in mustibí mononibuḷoi kon i baḷunea tatua, sinbá sia in mobogoi in buí kon i utatnea inta ain minatoi.

LUKAS 20:30

Dá bobay tatua in bui bo pinobuḷoi i ai-ainea induanea, táe minatoi doman in ki ai-ainea tatua bo diápa doman kogadí.