LUKAS 20:24 - Alkitab Singog In Mongondow Masa In Tanaa

²⁴ “Poontongka kon i-Nakó in tobatú doit saḷaka.” Bo Sia noḻibó, “Gambar bo tangoi i ine in naa?” Dá kain tubag monia, “Gambar bo tangoi i Kaisar!”

LUKAS 20:24 Iomraidhean Croise

MATIUS 18:28

Tongá naonda in simpaḷnea tatua iḷumuai bo noyodungkuḷ in sia in simpaḷ ibanea inta koboḻi doman kon inia táe tongá pulúan ribu. Dinomok bo binongkugnea in yobayatnea tatua, bo poḷat noguman, ‘Uboḻiai in boḻimu!’

MATIUS 20:2

Naonda in nositantúandon kon tosinggai uboḻianan todinar, pinotabáneadon in mosia tua minayá nogaid kon gobánea.

MATIUS 22:20

Bo iḻibó-Nea kon i monia, “Gambar bo pais i ine in tanaa?”

MARKUS 12:16

Dá inogoi monia kon i Yesus in tobatú doit saḷaka. Ki Yesus in noḻibó kon i monia, “Gambar bo tangoi ine in naa?” “I Kaisar,” tubag monia.

LUKAS 2:1

Kon wakutu intua ki Kaisar Agustus nomarenta nokipais in tangoi in bayongan intau kon dodatuan in Rum.

LUKAS 20:22

Tuamai in pogumanka kon inami, aka podudui in hukum agama naton, motaau degá andeka diá in moguboḻi kon pajak kon i Kaisar?”

LUKAS 20:23

Táe kinotaauanbí i Yesus in makusud monia tua. Tuamai in Sia in noguman,

LUKAS 20:25

Dá ki Yesus in noguman kon i monia, “aka natua yo ogoidon kon i Kaisar onu inta patus ogoi kon i Kaisar, bo ogoi kon i Allah onu inta patus ogoi kon i Allah.”

LUKAS 23:2

Kon tua in mosia mulaidon bo moponapud in tosingogon diá totuu kon i-Nia. Mosia in noguman, “Kinokadapatandon nami intau tanaa in notundú kon diá totuu kon intau moantó. Bo bayongan intau in daiton-Nea pongaruon sinbá doí moguboḻi kon pajak kon i Kaisar, sin kai-Nia Sia in tobatú Datu Mopoposaḷamat.”

LUKAS 3:1

Kon taong impuḷú bo ḻima kon pinomarentaan i Kaisar Tiberius, wakutu in ki Pontius Pilatus nobaḻí gubernur kon butá in Yudea bo ki Herodes in datu kon Galilea, ki Pilipus ki utatnea in datu kon Iturea bo kon Trakhonitis, ki Lisanias in datu kon Abilene.

OUMAN IN RASUL MITA 11:28

Kon sigad monia tua oyúon in ki Agabus in tangoinea. Sia in kinawasa in Roho i Allah bo sinimindog nopotaau kon mobaḻí in malarat moḷoben kon dunia naa. (Bo totuubí nobaḻí kon sempo ki Kaisar Klaudius in nomarenta.)

OUMAN IN RASUL MITA 26:32

Bo nogumandon in ki Agripa kon i Pestus, “Intau tanaa in motaau bidon buḻian, aka kuma bo diádon monuntut in sia kon adilonbí in pelekaranea tatua kon pongadilan i Kaisar.”

PILIPI 4:22

Bayongan in umat i Allah kon kotá tanaa bo mosia inta kon komaḻig i Kaisar in nopoyaput doman in salam kon i monimu.