LUKAS 20:17 - Alkitab Singog In Mongondow Masa In Tanaa

¹⁷ Bo nobobui in ki Yesus kon i monia bo noḻibó, “Aka natua yo onubí in mangaḻe inta ain pinais kon Buk Motusi nanaa? ‘Batu inta iḷumbúdon in intau mita inta mogogaid kon bangunan nobaḻídon batu inta baraguna totok.’

LUKAS 20:17 Iomraidhean Croise

MAZMUR 118:22

Batu inta iḷumbú in mogogaid mita kon baḷoi, ain nobaḻí batu tongguḷunea.

YESAYA 28:16

Tuamai, ki Tuhan Inta Totok in moḷantud noguman nanaa, “Akuoi in mogukat kon dodoyonan inta moropot bo motorindog kon Sion; batu orotan tobatú inta moḷoben in mangaḻenea inta pinaisan: ‘Ki ine in morigon in pirisayanea, diábí umundok popisí in taḷowon.’

ZAKHARIA 10:4

Nongkon sigad monia piḻíon-Ku in pongawasa, bo panglima inta momarenta kon umat-Ku.”

ZAKHARIA 3:9

Inukat-Ku kon tayowon i Yosua in batu tobatú inta notompitu inta kinurigan-Ku in pais mita. Tongá tosinggai monag tua ḷumbúon-Ku in dosa nongkon butá tanaa.

MATIUS 21:42

Ki Yesus in noḻibó kon i monia, “Diápa kon dodai in onda degá in moiko nokobaca kon bonu in Buk Motusi inta pinais nanaa? ‘Batu inta iḷumbú in mogogaid mita kon bangunan ain nobaḻí batu inta baraguna totok. Oaidan mita inta mokoherang kon mata naton tatua; aindon inaidan i Tuhan!’ ”

MARKUS 10:23

Dá nobobui in ki Yesus kon murí-Nea mita bo noguman kon i monia, “Moyoyiga totok in intau nooyúon tumuot mobaḻí umat i Allah!”

MARKUS 12:10

Bo tantú kinobacaan bidon monimu in tontagá tanaa kon bonu in Buk Motusi, ‘Batu inta diá pinaké in mogogaid kon bangunan nobaḻídon batu inta totok in moponting.

MARKUS 3:5

Korogi-rogi in ki Yesus nobobui magí-mako kon intau mita inta kon tua, táe moajar doman totok in gina-Nea sin totuu motogat in gina monia tua. Onda intua Sia in noguman kon intau inta noḻempeng in ḻima tatua, “Sintakdon in ḻimamu.” Dá sinintak doman in intau tatua in ḻimanea, bo baḷú domandon nopia in ḻimanea tatua.

LUKAS 19:41

Táe naonda in ki Yesus nodiugdon kon Yerusalem, nongombaḷ in Sia in nokoontongmai kon kotá tatua.

LUKAS 22:37

Sin pirisayadon in tontagá kon Buk Motusi inta noguman nanaa, ‘Sia in inanggap naonda bo intau moraat,’ mustibí mobaḻí kon i-Nakó. Sin onu inta pinais kon Buk Motusi soaḷ Akuoi, koyogot bidon mobaḻí in tanaa mako.”

LUKAS 22:61

Ki Yesus baḷú nobobui kon i Petrus dá baḷú bo doman kinotoropannea in onu inta ain pinoguman i Yesus kon inia nanaa, “Kon wakutu in diápa mokukú in manuk singgai naa, iko aindon koyongan kotoḷu momayow kon iko in deemanbí murí-Ku.”

LUKAS 24:44

Onda intua Sia in noguman kon i monia, “Naadon in soaḷ mita inta ain pinoguman-Ku kon i monimu kon wakutu in kotaki-takinpa monimu in Akuoi: kon bayongan inta ain pinais soaḷ Akuoi kon bonu in buk i Musa bo buk in nabi mita, bo buk Mazmur, tua in mustibí mobaḻí.”

YOHANES 15:25

Tongá musti bidon natua, sinbá mobaḻídon in onu inta pinais kon bonu in Hukum Agama monia nanaa: ‘Dia in kinodoyonan pinosaturuan monia kon i-Nakó.’

OUMAN IN RASUL MITA 4:11

Ki Yesusbí tua inta imakusud in tontagá kon Buk Motusi nanaa, ‘Batu inta iḷumbú in intau mita mogogaid kon bangunan, naanta nobaḻíbí batu inta totok in baraguna.’

EPESUS 2:20

inta pinosindog kon tudu in pondasi inta inaidan in rasul mita bo nabi, bo ki Kristus Yesus in nobaḻí batu inta totok moponting.

PETRUS 1 2:6

Sin kon bonu in Buk Motusi ain pinais nanaa, “Akuoi ain nomiḻí kon tobatú batu inta totok koboḻi, inta sinampat-Ku kon Sion bo binaḻí-Kudon batu inta totok in moponting; bo intau inta mopirisaya kon i-Nia, diábí pokopooyáanmai.”