LUKAS 20:16 - Alkitab Singog In Mongondow Masa In Tanaa

¹⁶ Notantú bidon kon mamangoi in sia moḻimod kon mototomoyó mita tatua, bo gobá tatua in potomoyóneadon kon mototomoyó ibanea.” Nokodongogmai kon tua, intau mita in noguman kon i Yesus nanaa, “Poyayúdon kaasí.”

LUKAS 20:16 Iomraidhean Croise

MATIUS 21:34

Naonda i wakutuneadon mosipú kon bungainea, pinotabánea in bobantungnea mita minayá kon mototomoyónea mita sin mogamá kon silainea.

MATIUS 21:41

Mosia in notubag kon i-Nia, “Toko putúannea in intau mita moraat tatua, bain tua bo gobá in anggurnea tatua potomoyóneadon bui kon mototomoyó ibanea, inta moibog mopoyosilai in bungainea aka wakutuneadon.”

MATIUS 22:7

Bo datu tatua totok in sinumorú. Pinotabánea in tontaranea minayá nomutú kon moḷoḻimod, bo nonurub kon kotá monia tua.

MARKUS 12:9

Ki Yesus in noḻibó, “Yo onu in aidan i togi gobá tatua in tanaa? Notantúbí kon angoionnea putúan in mototomoyó mita tatua, bo potomoyóneadon kon intau ibanea in gobá in anggur tatua.

LUKAS 19:27

Bo tanaa mako in tokodiadon mangoi in intau mita inta mongosakí in gina kon i nakó bo inta doí aka akuoi in mobaḻí datu kon i monia. Ḻimod in mosia kon tayowonku!’ ”

LUKAS 20:15

Dá pinogarabdon monia in adí tatua kon ḷuai in gobá bodongka iḻimod.” Bo ki Yesus in noḻibó kon i monia, “Yo aka ki togi gobá tatua bo mobuidon mangoi, yo onu in aidannea kon mototomoyó mita tatua?

OUMAN IN RASUL MITA 13:46

Táe taran-tarangan in taya dua in nosingog nanaa: “Koḻipodpabí singog i Allah naa in pinoyaput kon i monimu. Táe diá sinarima monimu, sin moiko ain noguman tontaní kon moiko in diábí patus motarima kon kobiagan mononoi. Tuamai tanaa mako taḷaan nami in moiko bo mayá kon intau ibanea.

SURAT I PAULUS KON JAMAAT RUM 11:1

Akuoi in moḻibó: Degá sinaḷáandon i Allah in umat-Nea tatua? Diábí! Sin akuoipa naa in intaubí doman in Israel nongkon buí i Abraham, bo nongkon suku i Benyamin.

SURAT I PAULUS KON JAMAAT RUM 11:11

Ḻibóonku doman: Wakutu intau in Yahudi noḷabúdon, yo degá nobaḻí intua sinbá mosia in morimumud? Deemanbí natua! Táe popisíbí in mosia ain nogaid kon mokobaradosa, manangka intua intau mita ibanea in pinosaḷamat, sahingga intau in Yahudi nointoi kon bangusa mita ibanea tua.

SURAT I PAULUS KON JAMAAT RUM 3:31

Yo motaau degá in singogon kon popisí in kita bo mopirisaya kon i Kristus, dá musti ḷumbúondon in hukum agama Yahudi tatua? Diábí motaau in mosingog natua! Justru popisí in oyúondon in pirisaya naton tatua, dá musti horomaton naton in hukum tatua.

SURAT I PAULUS KON JAMAAT RUM 3:4

Tantú diábí natua! Sin notarang bidon kon ki Allah in tantúbí mobanar, umpakabí bayongan intau monguboḷ. Kon bonu in Buk motusi ain pinais nanaa, “Musti moiniata kon inimu kon totuu in onu inta siningogmu, bo iko in mountung kon dodai in iko hakimon.”

SURAT I PAULUS KON JAMAAT RUM 3:6

Táe totuubí kon diábí motaau in mosingog natua! Sin aka ki Allah bo diá moadil, yo naondabí in pohohakim-Nea kon dunia naa?

SURAT I PAULUS KON JAMAAT RUM 6:15

Tanaa, onu degá in simpodnea? Degá motaau in kita in mogaid kon dosa, sin kita in diádon nobiag kon bonu in kawasa in hukum agama Yahudi, táe nobiag bidon kon bonu in kawasa in totabi i Allah? Diábí motaau!

SURAT I PAULUS KON JAMAAT RUM 6:2

Tantú diábí natua! Dosa in diá bidon nongawasa kon i naton, manangka intua kita diá bidon in motaau aka dongka umuran mogaid kon dosa?

SURAT I PAULUS KON JAMAAT RUM 7:13

Dá aka natua, yo degá inta mopia tua in mokopatoi kon inakó? Deemanbí tua! Dosabí in nokopoangoi kon popatoi tatua. Pinodoyon kon inta mopia, dosa in mokopoangoi kon popatoi kon inakó sinbá sipat mita in dosa koontongandon motarang. Pinongin parenta mita i Allah, moniatadon kon totokbí in moraat in dosa tua.

SURAT I PAULUS KON JAMAAT RUM 7:7

Aka natua, yo onu in singogon naton? Moraat degá in hukum agama in Yahudi? Tantú diábí! Sin hukumbí tatua in notundú kon inakó soaḷ dosa. Sin diábí kinotaauanku onu in sinangoian Ibog moiḻiu, aka hukum agama diá noguman, “Donaai motamaa.”

SURAT I PAULUS KON JAMAAT RUM 9:14

Aka natua yo onu in singogon naton? Diá moadil degá in ki Allah? Ki Allah in moadilbí!

KORINTUS 1 6:15

Kinotaauan bidon monimu uḻe utatku mita, kon awak monimu nion in notobatúbí i Kristus. Dá umpaka yo motaau gamáan in tobonsig bo pakéon mogaid kon inta diá mopia? Tantú diábí motaau!

GALATIA 2:17

Táe aka kami inta umuran moramuji mobiag moyodame i Allah bo motobatú i Kristus. Táe kino kadapatan doman in nogaid kon inta diá noitutui, ná aid in “intau mita baradosa” bo ná doman intau mita deeman Yahudi, yo motaau degá in singogon kon ki Kristusbí in nokopopisí sahingga in nogaid in kami kon inta noitaḷá? Tantú diábí motaau!

GALATIA 3:21

Aka natua yo noyoposi degá in hukum i Musa bo dandi i Allah? Tantú diábí! Sin aka kuma hukum i Musa mobogoi in kobiagan kon intau, dá intau in motaaubí moyodame i Allah bo inta dumodudui kon hukum i Musa tatua.

GALATIA 6:14

Táe akuoi in totuu kon doíbí dumodia kon onu inta ain inaidanku, koḻikudbí in modayow kon i Tuhan naton ki Yesus Kristus inta ain minatoi pinopopakú kon kayu pinoyotaḻempang. Lantaran Sia bo ain minatoi pinopopakú kon kayu pinoyotaḻempang, dá dunia naa in diá bidon in mangaḻenea kon inakó. Ná doman tua in akuoi kon tayowon in dunia naa, inanggap monia in akuoi naa naonda bo minatoidon.